पर्सा जिल्ला प्रशासनद्धारा तरकारी तथा फलफुल बजारको अनुगमन

पर्सा जिल्ला प्रशासनद्धारा तरकारी तथा फलफुल बजारको अनुगमन

  • बुधबार, भदौ १०, २०७७
  • दिपक चौरसिया

  • 13.7K
    SHARES

पर्सा जिल्लाको जिल्ला प्रशासानले विरगञ्ज बजारमा रहेका विभिन्न तरकारी तथा फलफुल  पसलहरुको अनुगमन गरेको छ । अनुगमनका क्रममा कालोबजारी गर्ने तीन ओटा पसलहरुलाई कार्वाही गरेको छ ।

वाणिज्य आपूर्ति तथा उपभोक्ता संरक्षण कार्यालय पर्सा, जिल्ला प्रशासन कार्यालय पर्सा र जिल्ला प्रहरी कार्यालय पर्साको संयुक्त टोलिले बुधबार विरगञ्ज महानगरपालिका माइस्थान र मिना बजार वरिपरीका पसलहरुको अनुगमन गरेको हो ।

मूल्यसूची नराखेका तथा बिल उपलब्ध नगराउने किराना पसल सञ्चालकलाई जिल्ला अनुगमन समिति पर्साले कारबाही गरेको छ ।

प्रमुख जिल्ला अधिकारी अस्मान तामाङले तीन जना पसल सञ्चालकलाई कारबाही गरिएको जनाए । ‘बुधबारको अनुगमनमा आलु गदि र तरकारी तथा फलफूलमा मात्र केन्द्रित थियो । उनले भने ‘मूल्यवृद्धि तथा कालोबजारीविरुद्ध निरन्तर अनुगमन गरिनेछ ।’

अनुगमनमा मूल्य सूची नराखेका तथा बिल उपलब्ध गराउन नसकेकाहरूलाई १० हजारदेखि लिएर २० हजार रुपैयाँसम्म जरिवाना गरिएको जिल्ला प्रशासनले जनाएको छ । चन्द्रकिशोर ट्रेडर्स मीनाबजारलाई २० हजार, शिव देवी ट्रेडर्स मीनाबजारलाई २० हजार र माँ जगदम्बा फ्रुट सेन्टरलाई १० हजार रुपैयाँ जरिवाना गरिएको हो ।

टोलीले तरकारी तथा फलफूलको कालोबजारी र मूल्य वृद्धि नगरी बिक्री वितरण गर्न निर्देशन पनि दिइएको छ । कोरोना महामारीको समयमा कुनै वस्तुको कालोबजारी गरिएको देखिए आवश्यक प्रमाणसहित कार्यालयमा इमेलमार्फत पनि उजुरी गर्न सकिने जिल्ला प्रशासन कार्यलय उजुरी दिन आग्रह गरेको छ ।

यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Mirmire Online ठेगाना:अनामनगर काठमाडौँ
फोन : ०१-५९०१७७५, ९८४१८०८८४९
इमेल : mirmireonline@gmail.com
फेसबुक : facebook.com/onlinemirmire
सूचना तथा प्रशारण बिभाग दर्ता नं.: १७८/०७३-७४
©2016 Mirmire Online. All Right Reserved |  Site By: Sobij
संरक्षक: कल्याण तिम्सिना, प्रबन्ध निर्देशक: सिर्जना तिम्सिना, प्रधान सम्पादक : कृष्ण कुमार श्रेष्ठ, सम्पादक: वाशुदेव तिमिल्सना, प्रवन्धक - श्रीवास दास श्रेष्ठ