बारा,७ भाद्र । बाराको सिम्रौनगढ गाउँपालिकाको भन्सार छली तस्करी गरी ल्याउँदै गरेको रहेको अवस्थमा प्रहरिले ९ वटा मोटरसाइकलमा ४० बोरा रासायनिक मल बरामद गरेको छ । तस्करको माध्यमबाट नेपाल भित्रयाइएको रासायनिक मल बारा स्थानिय प्रशासनले बरामद गरेको छ । बाराका प्रमुख जिल्ला अधिकारी रुद्रप्राद पण्डित सहितको अनुगमन टोलीले ४० बोरा रासायणिक मल बरामद गरेको जिल्ला प्रशासन कार्यालय बाराले जनाएको छ ।
बिहान बाराको सिम्रौनगढ गाउँपालिकाको अन्तर्गतका ४ वटा सिमा नाका अनुगमनका क्रममा ९ वटा मोटरसाइकलमा तस्करी गरी ल्याउँदै गरेको ४० बोरा रासायनिक मल बरामद गरेको प्रमुख जिल्ला अधिकारी रुद्रप्रसाद पण्डितले जानकारी दिनुभयो ।
बरामद मल वीरगञ्ज भन्सार कार्यालयमा बुझाउने तयारी भइरहेको उहाँले बताउनुभयो । निषेधाज्ञाको समयमा पनि खुल्ला सीमानाको फाइदा उठाउँदै तस्करी जारी रहेको र मानिसहरु पनि ओहोर दोहोर गरिरहेको गुनासो आएपछि प्रमुख जिल्ला अधिकारीसहितको टोली अनुगमनमा निकलेका थिए ।
