कोरोना लागेका दुई थुनुवा अस्पतालबाटै भागे

कोरोना लागेका दुई थुनुवा अस्पतालबाटै भागे

  • आइतवार, भदौ ७, २०७७
  • दिपक चौरसिया

  • 10.8K
    SHARES

बीरगन्ज ७ भाद्र । नरायणी कोभिड अस्थाई अस्पताल वीरगन्ज हेल्थ केयरमा कोरोना संक्रमित उपचार गराई रहेका दुई जना थुनुवा अस्पतालबाट भागेका छन । उनीहरु अस्पताल परिसरबाट भागेको जिल्ला प्रहरी कार्यालय पर्साले जनाएको छ ।

शनिबार राति २ बजेतिर राउण्डमा गएका स्वास्थ्यकर्मीले दुई सङ्क्रमितलाई नदेखेपछि प्रहरीलाई खबर गरेका थिए । डिलक्स क्याबिनमा बस्दै आएका उनीहरु कसरी भाग्न सफल भए भन्नेबारे प्रहरीले अनुसन्धान गरिरहेको छ ।

उनिहरु माथी सार्वजनिक मुद्दाको कसुरमा जिल्ला प्रहरी कार्यालय पर्साको हिरासतमा रहेका दुई जना पुरुष भागेका छन् । प्रहरी हिरासतमा रहेको उनीहरुमा कोरोना संक्रमण पुष्टी भए पछि नरायणी कोभिड अस्थाई अस्पताल वीरगन्ज हेल्थ केयरमा भर्ना गरिएको थियो ।

जिल्ला प्रहरी कार्यालय पर्साका प्रहरी उपरीक्षक गंगा पन्तले दुई जना कोरोना संक्रमित अस्पतालबाट भागेको खबर आइतवार बिहान प्राप्त भएको जानकारी दिदै उनीहरुको खोजी भईरहेको छ ।

अस्पतालको सुरक्षा व्यवस्था कडा रहेको भए पनि उनीहरु कसरी भाग्न सफल भए बारे जानकारी लिने काम भईरहेको प्रहरी उपरीक्षक पन्तले बताइन् ।
प्रहरी हिरासतमा रहेको उनीहरुलाई प्रक्रिया पु¥याएर भर्ना गरिएको वताउदै प्रहरी उपरीक्षक पन्तले उनीहरुको खोजी कार्य तीव्र पारिएको र छिटै पक्राउ पर्ने बताइन् ।

कोरोना संक्रमित पुष्टी भए पछि उनीहरुलाई भदौं १ गते वीरगन्ज हेल्थ केयर कोरोना बिशेष अस्पतालमा भर्ना गरिएको थियो ।

अस्पतालको पछाडिबाट हाम फालेर भागेको हुन सक्ने आशंका प्रहरीले गरेको छ । उनीहरुको खोज तलास भइरहेको जिल्ला प्रहरी कार्यालय पर्साका प्रवक्ता प्रहरी नायब उपरीक्षक मनोजीत कुँवरले जानकारी दिए ।

यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Mirmire Online ठेगाना:अनामनगर काठमाडौँ
फोन : ०१-५९०१७७५, ९८४१८०८८४९
इमेल : mirmireonline@gmail.com
फेसबुक : facebook.com/onlinemirmire
सूचना तथा प्रशारण बिभाग दर्ता नं.: १७८/०७३-७४
©2016 Mirmire Online. All Right Reserved |  Site By: Sobij
संरक्षक: कल्याण तिम्सिना, प्रबन्ध निर्देशक: सिर्जना तिम्सिना, प्रधान सम्पादक : कृष्ण कुमार श्रेष्ठ, सम्पादक: वाशुदेव तिमिल्सना, प्रवन्धक - श्रीवास दास श्रेष्ठ