वीरगंज ६ भाद्र। कोरोना भाइरस संक्रमणका कारण पर्सामा थप २ जनाको मृत्यु भएको छ । पर्साको बहुदरमाइ नगरपालिकाको डकैला बहुअरीका ६१ वर्षीय पुरुषको शनिबार बिहान मृत्यु भएको हो। वीरगन्ज महानगरपालिका-२६ सुगौली गाँउका ५८ वर्षीय पुरुषको शुक्रबार राति ८ बजे मृत्यु भएको हो।
नारायणी कोभिड १९ अस्पताल बिरगंज हेल्थ केयरमा गएराती एक जनाको र आज विहान एक जना गरी थप २ जनाको मृत्यु भएको हो ।
यस्तै वीरगंज हेल्थ केयर कोभिड अस्पताल मै आज विहान ७:१० पर्साको बहुदरमाई नगरपालिका–४ डकैला बहुअरी बस्ने ६१ वर्षीय पुरुषको मृत्यु भएको छ ।
र गएराति ८ बजे बिरगंज हेल्थ केयरमा उपचारत वीरगंज महानगरपालिका वडा नं। २६ सुगौली विर्ताका ५८ वर्षिय पुरुषको मृत्यु भएको जिल्ला प्रशासन कार्यालय पर्साले जनाएको छ ।
प्रशासन कार्यालयका अनुसार उनको बिहिबार स्वाव संकलन गरि आरटी पिसिआर परीक्षण गर्दा शुक्रबार रिपोट पोजिटिभ आएको थियो । खोकी र श्वासप्रश्वासमा समस्या रहेको उनको कोभिड अस्पतालको आइसियु र भेन्टिलेरमा राखेर उपचार गर्ने क्रममा मृत्यु भएको हो ।
कोरोना संक्रमण पुष्टि भएपछि अलि अर्थो ट्रमा सेन्टरबाट गम्भिर अवस्थामा वीरगञ्ज हेल्थ केयरमा ल्याइएको थियो । उच्च रक्तचाप, मुटु र दम सम्बन्धी समस्याले ग्रस्त उनको स्वाब भदौ ३ गते संकलन गरिएको थियो । पीसीआर रिपोर्ट पोजेटिभ आएपछि भदौ ४ गते बेलुका ८ः३० बजे वीरगञ्ज हेल्थ केयरमा ल्याइएको थियो ।
ज्वरो, श्वास प्रश्वास, टाउको दुखाइ, बान्ता, दम हुने समस्याका कारण ३१ गतेदेखि उनको अलि अर्थोमा उपचार भइरहेको थियो ।
योसँगै पर्सामा कोरोनाका कारण मृत्यु हुनेको संख्या ३५ पुगेको छ। साउन यतामा मात्रै ३१ जनाको मृत्यु भएको हो । वीरगन्जमा अहिलेसम्म कोरोनाका कारण मृत्यु भएकामध्ये पर्साका २७, बाराका ५ र रौतहटका २ जना हुन्। जेठ ३१ गते वीरगन्जको घण्टाघरमा बेवारिसे मृत भेटिएका एक संक्रमित युवकको भने हालसम्म पहिचान खुल्न सकेको छैन।