भदौ ५ काठमाडौँ । कोरोनाको संक्रमण बढे पछि निषेधाज्ञा लागु गरिएको उपत्यकाको काठमाण्डौ, ललितपुर, भक्तपुरमा प्रत्यक बैंकले एक जिल्लामा एक एक वटा शाखा खोल्न पाउने भएका छन् ।
जिल्ला प्रशासन कार्यालयले गरेको निषेधाज्ञाको पालना गर्नकै लागि बैंकर्स संघले शुक्रबारदेखि एक जिल्लामा हरेक बैंकको एउटा शाखा मात्र खोल्ने निर्णय गरेको छ ।
‘बैंकहरूले आलोपालोका आधारमा कुन शाखा खोल्ने भन्ने निर्णय बैंकहरु आफैले गर्ने बैंकर्स एसोसिएसनका निर्देशक अनील शर्माले बताए ।
हरेक दिन उपत्यकाका तीन जिल्लामा गरी एउटा बैंकमा ३० भन्दा बढी कर्मचारी नबोलाउने निर्णय भएको बैंकर्स संघका अध्यक्ष भुवन दाहालले जानकारी दिए ।
राष्ट्र बैंकले पनि न्यूनतम कर्मचारीबाट सम्भव भएसम्म कम शाखा सञ्चालन गरी आधारभूत सेवा दिन निर्देशन दिएको छ ।
आजबाट शाखा खुल्ला हुने बैकका कर्मचारीलाई नरोक्न सुरक्षाकर्मीलाई पनि निर्देशन दिईएको छ ।
