सुदूरपश्चिम, २९ साउन ।
प्राकृतिक प्रकोप बाट पिडीत परिवारलाइ उचित राहात वितरण गराउन सुदूरपश्चिम प्रदेशसभाका सदस्यले आज सदनमार्फत सरकारको ध्यानाकर्षण गराएको छ । आज बसेको प्रदेशसभा बैठकको शून्य समयमा सदस्यले कोभिड–१९ सङ्क्रमण र बाढीपहिरो, डुबानको समस्याले जोखिममा परेका परिवारलाई समयमै उचित वासस्थानको व्यवस्था गर्न माग गरेको हो ।
त्यो सगैँ युरिया मलको चरम अभाव , टीकापुरका पत्रकार गणेश चौधरीमाथि भएको आक्रमणको घटनाको छानबिन लगायत विषयमा ध्यानाकर्षण गराएको हो ।
अव्यस्थित क्वारेन्टिन बनाएकै कारण कञ्चनपुर कृष्णपुर नगरपालिकाकी राधिका ओडको क्वारेन्टिनमै करेन्ट लागेर ज्यान गएको भन्दै मृतकका परिवारलाई उचित राहत र क्षतिपूर्ति दिन माग गर्नुभयो ।
आजको बैठकमा प्रदेशसभा, सामाजिक विकास समितिका सभापति कुन्ती जोशीले ‘प्रदेश जनस्वास्थ्य सेवा सम्बन्धमा व्यवस्था गर्न बनेको विधेयक २०७६ ’माथि समितिमा दफावार छलफल भई तयार पारिएको प्रतिवेदन प्रस्तुत गर्नुभएको थियो ।
