साउन २१ काठमाण्डौं । नेपाली राष्ट्रिय फुटबल टोलीको गोलकिपर प्रशिक्षकमा आर्मीका विकास मल्ललाई नियुक्त गरिएको छ । अखिल नेपाल फुटबल सङ्घ (एन्फा)को प्राविधिक समितिले मल्ललाई गोलकिपर प्रशिक्षकमा छनोट गरेको हो ।

तेह्र वर्षसम्म राष्ट्रिय फुटबल टोलीका महत्वपूर्ण सदस्य रहेका मल्ल नेपाली सेनाको त्रिभुवन आर्मी क्लबका पूर्वकप्तान एवं गोलकिपरसमेत हुनुहुन्थ्यो । मल्लले सन् २००५ देखि सन् २०१३ सम्म राष्ट्रिय टोलीबाट फुटबल खेल्नुभएको थियो ।

मल्ल एन्फा एकेडेमीको उत्पादन हुनुहुन्छ । उहाँले राष्ट्रिय टोलीमा जापानी गोलकिपर प्रशिक्षक हिरो मिट्सुमारूको स्थान लिने एन्फाले जनाएको छ । फिफा विश्वकप, २०२२ र एएफसी एशियन कप, २०२३ लाई ध्यानमा राख्दै मल्ललाई गोलकिपर प्रशिक्षकका रुपमा छनोट गरिएको हो ।

यू–१९ एसिया कपः युएईसँग नेपाल सात विकेटले पराजित

यू–१९ महिला क्रिकेट प्रतियोगिताको उपाधि नेपाललाई

एनपिएलको प्रभावः पर्यटक प्रवर्द्धनमा सकारात्मक प्रभाव पर्ने अपेक्षा

एनपीएल: डेभिड मिलरको अविजित ९३ रनका बावजुद कर्णालीलाई सुदूरपश्चिमले हरायो

काठमाडौं गोर्खाजको सानदार जित, विराटनगर ९ विकेटले पराजित

एनपिएलमा नेपाली खेलाडीको ‘ब्याटिङ’ र ‘बलिङ’ दुवैतर्फ चमक