सल्यान , २० साउन । एथलेटिक्सका सहायक प्रशिक्षक सल्यान जिल्ला खेलकूद विकास समिति रवीनकुमार राईको सोमबार राती निधन भएको छ।
राइ ब्रेन ट्युमर रोगबाट ग्रसीत थिए । ५२ वर्षीय राईको सोमबार राति भक्तपुरस्थित काठमाडौँ क्यान्सर सेन्टरमा निधन भएको हो ।
आजै पशुपतिस्थित आर्यघाटमा प्रशिक्षक राइको दाहसंस्कार गरिएको नेपाल एथलेटिक्स सङ्घका सचिव आरके विष्टले बताउनुभयो ।
प्रशिक्षक राइ गत वर्ष चैतमा उपचारका लागि सल्यानबाट काठमाडौँ आउनुभएको थियो। उनको गत वैशाख अन्तिम साता काठमाडौँको अन्नपूर्ण न्यूरो अस्पतालमा शल्यक्रिया गरिएको सचिव विष्टले बताए।
“सङ्घकै पहलमा राईको उपचारका लागि हामीले रु १० लाखभन्दा बढी सहयोग जुटाएका थियौँ”,सचिव विष्टले बताए ।
प्रशिक्षक राईलाई गत जेठको पहिलो सातादेखि काठमाडौंँ क्यान्सर सेन्टरमा भर्ना गरिएको थियो।
२०५२ सालमा एथलेटिक्सको सहायक प्रशिक्षकका रुपमा सल्यानमा नियुक्त भएका राइले राष्ट्रियस्तरका खेलाडी उत्पादन गरेको सङ्घका सचिव विष्टले बताए ।
