काठमाडौँ , १३ साउन । क्यारेबियन प्रिमियर लिग (सिपिएल) खेल्न ट्रिनिडाड एन्ड टोबागो जानको लागी लेपाली राष्ट्रिय क्रिकेट टिमका युवा लेग स्पिनर सन्दीप लामिछानेले कोरोना परीक्षण गराएका छन्।
सन्दीपका सहयोगी रमन सिवाकोटीका अनुसार सन्दीपले मंगलबार सानेपास्थित स्टार हस्पिटलमा स्वाब दिएका छन्। परीक्षणको नतिजा बुधबारसम्म आइपुग्ने छ।
सिपिएल खेल्न जान आफ्नो देशमा कोरोना नलागेको प्रमाण पेश गर्नुपर्ने भएकाले सन्दीपले परिक्षण गराएका सहयागी रमन सिवाकोटीले बताए।
नेपालमा अन्तर्राष्ट्रिय उडान नभएको अवस्थामा सन्दीप कुन फ्लाइटबाट जाने टुंगो लागिसकेको छैन। तर सिपिएल खेल्न सन्दिप एक साताभित्र उनी ट्रिनिडाड एण्ड टोबागो पुगिसक्नु पर्ने सहयागी रमनको भनाइ छ।
उता पुगिसके पछि पनि १४ दिन क्वारेन्टिनमा बस्नुपर्ने हुन्छ।
सन्दीप यस सिजनको सिपिएलका लागि जमैका तल्लावाहजमा अनुबन्धित छन्। उनी उक्त टिमको मार्की खेलाडी हुन्।
उनलाई जमैकाले एक लाख ३० हजार अमेरिकी डलर ९एक करोड ५६ लाख रूपैयाँ०मा अनुबन्ध गरेको हो।
सिपिएल आगामी भदौ २ गतेदेखि भदौ २५ गतेसम्म चल्ने छ। सिपिएलमा जमैकासँगै बार्बेडोस् ट्रिडेन्ट्स, ट्रिनबागो नाइट राइडर्स, गुएना अमेजन वारियर्स, सेन्ट लुसिया जौउक्स र सेन्ट किट्स एण्ड नेभिस प्याट्रिओट्सले प्रतिस्पर्धा गर्नेछन्।
सिपिएलमा कुल ३३ खेल हुने छन्। कोरोना भाइरसका कारण ती सबै खेल बिना दर्शक खेलाइने छन्। सन्दीप तेस्रो पटक सिपिएल खेल्ने तयारीमा छन्। उनले यसअघि सन् २०१८ मा पहिलोपटक सेन्ट किट्स एन्ड नेभिस पेट्रीयट्सबाट खेलेका थिए। त्यसका लागि उनलाई पाँच हजार अमेरिकी डलर पारिश्रमिक दिइएको थियो।
उनले सो प्रतियोगितामा पाँच खेलमा सात विकेट लिएका थिए। यस्तै दोस्रो पटकको सिपिएल सन् २०१९ मा बार्बाडोस ट्राइडेन्ट्सबाट खेल्दा छ खेलमा आठ विकेट हात पारेका थिए।
यस पटकको सिपिएलका लागि २३ देशका ५३७ खेलाडीले नाम दर्ता गराएका थिए।
