वीरगंज २० असार । वीरगंज महानगरपालिकाको वडा नं। १४ पिपरामा ढलान सडकमाथी ढलान भए पनि कंची सडक नबनेको सथानियहरुले गुनासो गरेका छन् ।
वडा अन्तर्गतको ठूलो पिपरास्थित बाईपास सडक देखी सन्त साह तेली, धुरेन्द्र पण्डित, सत्यनारायण कुर्मी, देवलाल कुर्मीको घर हुदै देव कुमार साहको घर सम्मको कच्ची बाटो लामो समय देखी खराब हुदा बन्न नसके पनि ढलान सडकमाथी ढलान कार्य भइरहेको छ ।
स्थानियहरुका अनुसार सोही ठाउँमा शिवनाथ साहको घरदेखी सन्जय साहको घर हुदै रेणुका पेट्रौल पम्पस्थित बाइपास सडक सम्म ढलान पक्की सडकमाथी पुनस् ढलान कार्य भइरहेको छ ।
वडाध्यक्ष भरत राउत कुर्मीसंग बिग्रेको सडक निर्माण गरिदिन बारम्बर मौखिक आग्रह गर्दा पनि निर्माण हुन नसकेको स्थानिय रन्जित प्रसाद पटेलले गुनासो गरे ।
उनले संचारकर्मीहरुसंग कुरा गर्दै वडाध्यक्ष कुर्मीको साथै संघिय सांसद, प्रदेश सांसद संग पनि बिग्रेको सडक बनाइदिन आग्रह गर्दा पनि उहाँहरुले पनि आश्वासन मात्र दिएर जाने गरेको दुस्खेसो पोखे ।
सडक बिग्रेका कारण बर्षातको समयमा आवतजावत गर्न पनि ग्राहो हुने गरेको अर्का स्थानिय बिनेश प्रसाद कुर्मीले वताए । संचारकर्मीहरुलाई बिग्रेको सडक देखाउदै सडक निर्माणको लागि योजना संकलन भए पनि निर्माण हुन नसकेको कारण बुझ्न नसकेको वताए ।
यस बिषयमा वडाध्यक्ष कुर्मीसंग बुझ्न फोनमा सम्पर्क गर्दा फोन नउठेका कारण सम्पर्क हुन सकेन ।
