काभ्रे, १५ असार । महामारीकाे रूपमा फैलीएकाे काेराेना भाइरस राेकथाम तथा नियन्त्रणकाे लागि काभ्रेकाे नमाेवुद्व नगरपालीकाले स्थापना गरेकाे विपद् व्यावस्थापन काेषमा सामुदायीक विद्यालयका शिक्षकहरूले आर्थिक सहयाेग गरेका छन् ।
नगरभित्र रहेका सामुदायीक विद्यालयमा कार्यरत शिक्षकहरूले विपद् व्यवस्थापन कोषमा ८ लाख ७० हजार २ सय १६ रुपैयाँ जम्मा गरेका हुन् ।
उक्त रकम बराबरकाे चेक शिक्षक महासंघ नमोबुद्ध कार्यसमितिले सोमबार मेयर टि.पी. शर्मा तिमल्सिनालाई हस्तान्तरण गरेको थियो ।
मेयर शर्माले संकटका बेला कोषमा आर्थिक सहयोग गरेर उदाहरणीय कार्य गरेकोमा खुशी व्यक्त गर्दै सम्पूर्ण शिक्षकहरुलाई धन्यवाद समेत ज्ञापन गर्नुभयो ।
शिक्षक संघ संगठनको समन्वयमा नगरभित्रका मावि तहका शिक्षकको ५ दिनको र प्राथमिक तहका शिक्षकको ३ दिनको पारिश्रमिक संकलन गरि कोषमा जम्मा गरेको नेपाल राष्ट्रिय शिक्षक संगठन नमोबुद्ध नगर समितिले जनाएको छ ।
