असार १० काठमाण्डौं । लामो समय पछि आज नेकपाको स्थायी समितिको बैठक शुरु भयो । त्यस बैठकमा एजेण्डा पेश गरे पछि कार्यसूची अनुसार दुई अध्यक्षले बोले । शुरुमा प्रधानमन्त्री समेत रहेका अध्यक्ष ओली बोले पछि प्रचण्डको पालो आयो ।
उनले बोल्ने क्रममा आफूले प्रधानमन्त्री वा मुख्य अध्यक्ष सबै त्याग गरेको स्मरण गराउदै अन्ततः यही कार्यशैली रहे आगामी अढाई बर्षमा नेकपा समाप्त हुन सक्ने चेतावनी दिदै अब संघर्ष गरेर विभाजनतिर जाने या त्याग आत्मालोचना गरेर अगाडी जाने भन्ने विकल्प रहेको बताए । जनता र कार्यकर्तामा देखिएको निराशा सवोधन हुन नसके पार्टी समाप्त हुने उनको तर्क थियो ।
उनले प्रधानमन्त्री आधा आधा कार्यकाल गर्ने सहमति छाडेर त्याग गरेर पार्टीलाई जे फाईदा हुन्छ भन्ने थियो त्यो देखिएन । गल्ती भयो भन्दै अब प्रधानमन्त्री ओलीले अध्यक्ष वा प्रधानमन्त्री मध्य एक छाड्न प्रस्ताव गरेको एक स्थायी समिति सदस्यले दाबी गरेका छन् ।
उनले देशी विदेशी प्रतिकृयावादी भन्दा पनि पार्टी भित्र , नेताहरुकै समस्याका कारण समस्या आएको भन्दै यही कार्यशैलीले जादाँ अब अढाई बर्ष पछि नेकपा समाप्त हुन सक्ने बताउदै विभाजनको बाटोमा जान नहुने बताएका थिए ।