जेष्ठ २१ काठमाण्डौं । चर्चित अभिनेत्री रेखा थापाले रुकुम घटनाका दोसी माथि कार्वाही र पीडितलाई अबिलम्म्ब न्याय दिन माग गर्दै घटनामा मुछिएकी युवतीको चरित्र हत्या भएकोमा भने आक्रोस पोखेकी छन् ।
उनले आफ्नो अफिसियल पेजमा स्टाटस लेख्दै रुकुमकी ती युवतीको चरित्र हत्या गर्ने खालका र नारी अस्मीताको धज्जी उडाउने काम भएको भन्दै आक्रोस व्यक्त गरेकी हुन् ।
“ यस घटनामा जोडीएकी किशोरिको बारेमा जसरी चरित्र हत्या गर्ने खालका र नारी अस्मिताको धज्जी उडाउने काम भएको छ, तेस्ले फेरिपनी उत्पीडित वर्ग माथि प्रहार भयो भन्ने लाग्छ । समाज बिरुद्द अन्तर्जातिय प्रेम गर्ने सहास भएकी बालिकाको चरित्र हत्या गरेर न्याय हुन्छ त ? ” थापाले प्रश्न गरेकी छन् ।
दोषिलाई कानुनी कार्वाही हुनु पहिले नै एउटा केटी मान्छेले आफ्नो सामाजिक र चारित्रिक सम्पत्ती बजारमा लीलाम गर्नु पर्ने ? नेपालमा केटी मान्छेको बेइज्यत गरेर मात्र न्याय पाउने हो र ? छानबिनको क्रममा रहेकी किशोरिको बारेमा अनर्गल कुरा लेख्ने छुट छ ? समुहमा बाहुन छेत्री, जनजाती जो जस्लाई गाली गर्नु छ गरे हुन्छ । एउटा केटी मान्छेको पेटिकोट समातेर बिद्रोह हुन्छ ? रेखाले लेखेकी छन् ।
उनले अगाडी लेखेकी छन् , “दोषी वा निर्दोषको किटान हुनु पहिले नै यसरी मानसिक हिन्सा र प्रताडना दिएको कारण ति किशोरि नदिमा हाम्फलेमा कस्ले जवाफ दिन्छ ? अन्तर्जातिय प्रेम गरेको सट्टा जसरी उस्को चरित्र हत्या हुँदैछ, यसले जातिबादी सोचलाई झन धेरै बालवालिकामा स्थापित गर्ने देखिन्छ । राज्य सँग लडनु पर्यो नि, एउटा १७ बर्ष कि किशोरिलाई मानसिक र सामाजिक उत्पिडन किन ? दोषी भये कानुनी कार्वाही गरियोस । यो नबिर्सौ कि एउटा किशोरिको जीवन बर्वाद पारेर न्याय पाउने हो भने, कुनै पनि छोरीले भोली कसैलाई माया गर्ने छैनन ।”
