काठमाण्डौं । १४ वैशाख । कोरोना भाइरस (कोभिड–१९) को महामारीको अवस्था विद्यमान रहेका बेला निम्बस समुहले बीरगञ्जमा अनलाईन सपिङ सेवा विस्तार गरेको छ । देशव्यापी रूपमा आफ्ना उत्पादन तथा सेवा विस्तार गर्न चैत्र ९ बाट निम्बसले आफना ग्राहक वर्गलाइ सुरक्षित किनमेलको प्रत्याभुति दिलाउन www.nimbusbazar.com मार्फत अनलाइन अर्डरहरु लिन सुरु गरेको थियो ।
अहिले यो सेवाको माग बढ्न थाले पछि बीरगञ्जमा सेवा विस्तार गरिएको सो समुहले जनाएको छ ।
यस्ता सेवालाई सहज र समयानुकुल बनाउन निम्बसले भुक्तानीका विभिन्न गेटवेहरुबाट अनलाइन भुक्तानी पनि प्रयोगमा ल्याउन थालेको छ । निम्बसले सुरुवातदेखिनै न्युनतम अर्डर अनिवार्य गर्ने गरेको छैन । यसले ग्राहकहरुलाई आफूलाई आवश्यक पर्ने सामान मात्रै किन्ने छुट दिएको छ ।
निम्बसका प्रवन्ध निर्देशक आनन्द अग्रवाल बगडिया भन्छन्– “सेवाग्राहीहरुका लागि हामी सबै प्रक्रिया सहज बनाउन चाहन्छौँ र हाम्रोसेवा थप स्तरिय तथा व्यापक बनाउन हामी निरन्तर प्रयत्नशील छौं ।”
कम्पनीले कर्मचारीहरुलाई कोभिड १९ सुरक्षामा ध्यान दिदै डेलिभर गर्ने कर्मचारीहरुको बीमा समेत गरेको छ । । साथै कम्पनीले आफ्ना । कम्पनीका सबै कर्मचारीहरुलाई शिखर इन्स्योरेन्ससँगको सहकार्यमा कोभिड इन्सुरेन्स प्रदान गरेको जनाईएको छ ।
