एजेन्सी चैत्र १७ । एशियाली मुलुक थाईल्याण्डमा कोरोनासगँ जुधिरहेका जनतालाई छाडेर राजा महाबाजिरा लोंगकोर्न २० युवती र नोकरचाकर लिएर जर्मनी पलायन भएका छन् । कोरोनाले हजारौ संक्रमित भएको र केही मृत्यु समेत भएको अवस्थामा राजा भने यही कोरोनाबाट जोगिन जर्मनीको बिशाल आलिसान महल रिजर्भ गरेर गएका हुन् ।
जर्मनको एक होटल रिजर्भ गरेर उनले सबै आसेपासेलाई पनि त्यही लगेका छन् । यसको थाईल्याण्डमा निकै आलोचना भईरहेको छ । उनले आफ्ना वरिपरी स्याहारे सुस्याहारे र नोकर चाकर पनि लगेका छन् ।
जर्मनको लक्जरी रिसोर्ट अल्पाईन रिजर्भ गरेर उनले आईसोलेसन बनाएका छन् । २०१६ मा आफ्ना पिताको मृत्यु पछि उनी राजा बनेका थिए ।
उनले चार श्रीमतिलाई छाडेर २० जना युवती लगेको स्थानीय सञ्चार माध्यमहरुले जनाएका छन् । उनले जर्मनीबाट पनि राजपरिवारका सदस्यहरु करीब एक सय १९ जनालाई स्वदेश फिर्ता गराएको बताईएको छ । राजाको आलोचना गर्दा जेल सजाय हुने व्यवस्थाका बाबजुद जनताले ठूलो प्रतिकृया जनाईरहेका छन् ।दशौं लाख ट्वीट र अन्य सामाजिक सञ्जालमार्फत राजाको विरोध शुरु भएको छ । राजाको विरोध गर्नेलाई १५ बर्ष जेल सजाय हुने व्यवस्था छ थाईल्याण्डको संविधानमा ।
