विश्वका अर्बपतिहरु मध्य एक सय ३ जना बढी बस्छन् न्यूयोर्कमा । अमेरीकाको न्यूरोर्क शहर संसारकै आलिसान, सविधान सम्न्न र धनी शहरको रुपमा त्यस कारण पनि गनिदै आएको छ ।
अमेरीकी सभ्यता र धनको प्रतीकको रुपमा देखाउने यही न्यूयोर्क अहिले कोरोना सामु निरीह छ । न्यूयोर्कमा आज बिहान सम्मको रिपोर्ट अनुसार ५३ हजार भन्दा बढी कोरोना संक्रमित पुगेका छन् । अमेरीकामा कोरोनाका कारण मृत्यु भएका कुल संख्याको झण्डै आधा हिस्सा न्यूयोर्कमै छन् । आज सम्म अमेरीकामा २२ सय बढीको मृत्यु भईसकेको छ ।
त्याहाँ रहेका अस्पतालहरुमा उपचार गर्ने बेड, ठाँउ समत नभए पछि बगैचा, गाडी राख्ने ठाँउ, अस्पतालको प्यासेज,सबैतिर ओछ्यान लगाएर बिरामीलाई राख्न थालिएको छ ।
श्वास्थ्यकर्मीहरुको अभावले गर्दा सेवा निवृत भएका हजारौ श्वास्थ्यकर्मीहरुलाई आव्हान गरिएको छ सेवाका लागि तर पनि अभाव उस्तै छ ।
प्रहरी , कर्मचारी कोही अछुतो छैन कोरोनाबाट । यति सम्म कि एउटै भेन्टिलेटरमा दुई जना विरामीलाई राख्न थालिएको सार्वजनिक भए पछि राष्ट्रपति ट्रम्पले तुरुन्तै भेन्टिलेटर बनाउन निजी कम्पनीहरुलाई आदेश दिएका छन् । भेन्टिलेटरमा नराखे कोरोनाका बिरामी फोक्सोमा समस्या भएर श्वास प्रस्वासमा आउने समस्याले तुरुन्त मर्ने संभावना हुन्छ । त्यसैले आवस्यक परे एउटै भेन्टिलेटरमा ४ जनालाई सम्म राख्न सक्ने गरी तयारी अस्पतालहरुले थालेका छन् ।
यति सम्म कि बिरामीलाई मास्कको अभाव भएर फोहोर फ्याक्ने झोलाहरु समेत प्रयोग गरेर मास्क बनाईएको बताईन्छ । डा. मार्को गारेनले यस्ता तस्वीरहरु पोष्ट गरेका छन् ।
यही शहरमा लक डाउन गर्नु पर्ने अर्बपति बिल गेट्सले आग्रह गरेका छन् । राष्ट्रपति ट्रम्प समेत लकडाउन गर्ने सोचमा भए पनि अचानक यो निर्णयबाट अमेरीका फिर्ता भएको छ ।
सबै भन्दा खराब अवस्था विश्वकै धनी, सविधा सम्पन्न र व्यवस्थित भनिएको शहरमा कोरोनाले निम्त्याएको कहरका बेला सबै भन्दा अस्तव्यवस्ता देखा परेको छ । झण्डै साढे ८ करोड जसंख्या भएको न्यूयोर्कको यो दुरावस्थाले राज्यप्रणाली र निजी सम्पत्तिको अस्वस्थ प्रतिस्पर्धा गर्ने व्यवस्थामाथि चूनौती देखिएको छ ।
जहाँ धेरै अर्बपतिहरु छन् , त्यही एउटै भेन्टिलेटरमा ४ बिरामी राख्ने स्थिति, जहाँ धेरै सुन्दर घर र होटल र भवनहरु छन् त्याहाँ प्यासेज र पार्कमा विरामी राख्नु पर्ने अवस्था आउनुको अर्थ के हो ?
-एजेन्सीहरुको सहयोगमा ।
