चैत्र ९ काठमाडौं । काठमाडौंका सबै होटलहरु आवश्यक परे क्वारेन्टाइनका रुपमा प्रयोग गर्न सरकारलाई दिने होटल व्यवसायीहरुले निर्णय गरेका छन् ।
शनिबार होटल व्यवसायी महासंघको नेतृत्वमा बसेको होटल तथा पर्यटन व्यवसायी संघ प्रदेश ३ र काठमाण्डौ जिल्ला होटल व्यवसायी संघका ९ वटा इकाईका अध्यक्षहरुको आकस्मिक बैठकले यस्तो निर्णय गरेको हो ।
बैठकले काठमाण्डौमा पर्यटन सम्बद्ध सबै होटलहरु सरकारलाई कोरोना नियन्त्रणका लागि आवश्यक परे क्वारेन्टाइन संचालनका लागि दिने निर्णय गरेका छ ।
अन्य जिल्लामा पनि जिल्ला अध्यक्षहरुसँग समन्वय गरी क्वारेन्टाइनका रुपमा होटल प्रयोग गर्न दिन सकिने महासंघले जनाएको छ ।
सबै होटलहरु क्वारेन्टाइनको रुपमा प्रयोग गर्दा सरकारले आवश्यक स्वास्थ्यकर्मी र सुरक्षाकर्मीहरुको विशेष निगरानीमा क्वारेन्टाइन पूर्वाधारका लागि उचित प्रबन्ध गर्नुपर्ने महासंघले माग गरेको छ ।
व्यवसायीहरुले कोरोनाको त्रासका कारण आफूहरुको व्यवसाय शून्यको अवस्थामा झरेकोमा चिन्ता व्यक्त गरेका छन् ।
