एजेन्सी, १३ फागुन । इंग्लीश प्रिमियर लिग फुटबलमा लिभरपुलले वेष्ट ह्याम युनाइटेडलाई ३–२ ले पराजित गरेकाे छ ।
साेमवार राति आफ्नै मैदान एन्फिल्डमा भएको खेलमा लिभरपुलले वेष्टह्यामलाई हरायो । लिभरपुलका लागि जर्जिनियो वहाल्दुम, मोहोमद सालाह र सादियो मानेले एक एक गोल गरे ।
वेष्ट ह्यामका इसा डियोप र पाब्लो फोर्लानले दुई गोल फर्काए । जितसँगै लिभरपुलले प्रिमियर लिग फुटबलको अंक तालिकामा फेरि २२ अंकको अग्रता लिएको छ ।
प्रिमियर लिग फुटबलको उपाधि जित्न लिभरपुललाई अब बाँकी रहेका ११ मध्ये ४ खेल मात्रै जिते पुग्छ । २७ खेलबाट उसको ७९ अंक छ ।
समान खेलबाट ५७ अंक जोडेको म्यान्चेस्टर सिटी दोस्रो स्थानमा रहेको छ । ५० अंकसहित लेष्टर सिटी तेस्रो तथा ४४ अंकसहित चेल्सी चौथो स्थानमा रहेका छन् ।
यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Tweets by @mirmireonline
