११ फागुन, एजेन्सी । इंग्लीश प्रिमियर लिग फुटबलमा चेल्सी र म्यान्चेस्टर सिटी विजयी भएका छन् । आफ्नै मैदानमा सम्पन्न लण्डन डर्बीमा चेल्सीले टोटनह्याम हट्सपरलाई २–१ ले हरायो ।
जोजे मौरिन्होको टोली टोटनह्याम विरुद्ध फ्राङ्क लाम्पार्डको टोली चेल्सीलाई विजयी गराउन ओलिभर जिरु र मार्कस अलन्सोले एक एक गोल गरे ।
चेल्सीकै एन्टोनियो रुडिगरले एक आत्माघाती गोल गरेपछि टोटनह्यामले हार अन्तर कम गर्यो ।
प्रिमियर लिग फुटबलकै अर्को खेलमा म्यान्चेस्टर सिटीले लेष्टर सिटीलाई १–० ले पराजित गर्यो । म्यान सिटीका लागि सब्सटीच्युट खेलाडी ग्याब्रियल जिससले ८० औं मिनेटमा निर्णायक गोल गरे ।
गएराती भएका अन्य खेलहरुमा बर्नलेले बर्नमाउथलाई ३–० ले हराउँदा साउथह्याम्पटनले एस्टन भिल्लामाथि २–० को नित निकाल्यो ।
यसैगरी क्रिष्टल प्यालेसले न्युकासल युनाईटेडलाई १–० ले हराउँदा शेफिल्ड युनाईटेड र ब्राइटनले १–१ गोलको बराबरीमा चित्त बुझाए ।
