काठमाडौं, पुस २८ ।
राजधानीमा जारी शहीद स्मारक ए डिभिजन लिगमा आज दुई खेल हुँदैछन् । आज हुने पहिलो खेलमा न्युरोड टिम (एनआरटी) र नेपाल पुलिस क्लब भिड्दै छन्। खेल त्रिपुरेश्वर स्थित दशरथ रंगशालमा मध्यान्ह १२ बजे पछि सुरु हुनेछ ।
अघिल्लो खेलमा च्यासलसँग पराजित भएको नेपाल पुलिस क्लब आज जित निकाल्दै चौथो स्थानमा उक्लने दाउमा हुनेछ । पुलिसले जारी सिजन ५ खेलमा २ जित १ हार र २ बराबरी खेल्दै ८ अंक जोडेर छैटौं स्थानमा छ ।
यो सिजन २ अंक गुमाएको एनआरटी ५ खेलमा २ जित २ हार र १ बराबरी खेल्दै ५ अंक जोडेर ९ औं स्थानमा छ। आजको खेलमा जित निकाल्दै छैटौं स्थानमा उक्लने दाउमा एनआरटी रहने छ।
आजै अपरान्ह ३ बजे पछि हुने दोस्रो खेलमा च्यासल युथ क्लबले विभागिय टोली एपिएफको सामना गर्नेछ। यो खेल पनि सोही मैदानमा हुनेछ । च्यासलले जारी लिगमा ५ खेल खेल्दै १ जित २ हार र २ बराबरी खेल्दै ५ अंक जोडेर तालिकाको दशौं स्थानमा छ।
आजको खेल जितेको खण्डमा च्यासल छैटौं स्थानमा पुग्ने सम्भवना रहन्छ। १३ औं स्थानमा रहेको एपिएफको दाउ रेलिगेसन जोनबाट माथि उत्रने रहने छ। १ जित ३ हार र १ बराबरी खेलेको एपिएफको ४ अंक रहेको छ। आजको खेल जितेको खण्डमा एपिएफ ७ औं स्थानसम्म उक्लने सम्भावना रहन्छ।
