मङ्सिर २९ विराटनगर । सरकारले निर्माण गर्न लागेको मेची–महाकाली रेलवे आयोजना अन्र्तगत इनरुवा– काकडभिट्टा र इटहरी–विराटनगर रेलवे लिंकको वातावरणीय प्रभाव मूल्यांकन (ईआईए) सार्वजनिक भएको छ ।
मेची–महाकाली रेलवे आयोजनाको इनरुवा–काकडभिट्टाको १२६.७५ किमीको ईआईए, सेवा तथा प्रभावित क्षेत्र भित्रका नागरिकबीच सार्वजानिक सुनुवाईका क्रममा सार्वजनिक गरिएको हो ।
इनरुवा–काकडभिट्टा दुरीको १०६.५९ किलोमिटर र इटहरी–विराटनगर २०.१६ किलोमिटर लिंक रेलवे अन्तर्गत इनरुवा–काकडभिट्टा क्षेत्रमा दशवटा रेलवे स्टेसन र इटहरीको खनार विराटनगर अन्तर्गत हात्तिम्ुढामा एउटा रेलवे स्टेसन रहने छ ।
दोहा इन्जिनियरिङ कम्पनि लि. जेभी कोरिया रेल नेटवर्क अथोरिटी सोसुङ्ग र सिल्ट कन्सल्ट प्रा.लि.ले तयार गरेको इआईएमा २०० किमीप्रतिघण्टा स्पिडमा गुड्ने बिद्युतीय रेललाई २५ मिटर दाँयाँ–बाँया जग्गा अधिग्रहण गर्नु पर्ने छ ।
रेलमार्ग विस्तारका लागि ६३५.७७ हेक्टर जमिन आवश्यक पर्ने साना र ठूला गरि ३४ वटा पुल, २८५ प्रकारका प्राकृतिक नालाको क्रसिङ, पैदल यात्री तथा चौपायाका लागि सुरक्षित तीनसय पासिङ कल्भर्ट निर्माण गर्नु पर्ने आवस्यकता औल्याईएको छ ।
यसै गरी यो लिंक क्षेत्रमा पर्ने ८ हजार चार सय ३० वटा रुख पनि काट्नु पर्ने वातावरण विज्ञ एवं परामर्शदाता कम्पनिका प्रतिनिधि रिकेश चित्राकारले जानकारी दिनुभयो ।
आयोजनाको सम्पूर्ण कामका लागि करीब एक खर्ब ३५ अर्ब रुपैया लाग्ने अनुमान गरिएको छ ।
