काठमाडौं, मंसिर २४ । १३औं दक्षिण एसियाली खेलकुद प्रतियोगिता (साग)अन्तर्गत् पुरुष फुटबलको स्वर्णपदक नेपालले जितेको छ । मंगलबार अपराह्न दशरथ रंगशालमा सम्पन्न फाइनलमा नेपालले भुटानलाई २–१ ले पराजित गर्दै स्वर्णपदक जितेको हो । सागमा नेपालका लागि यो ५१ औं स्वर्ण पदक हो ।
नेपाललाई लगातार दोस्रोपटक स्वर्णपदक दिलाउनेक्रममा खेलको १७औं मिनेटमा अभिषेक रिजालले तथा ५४औं मिनेटमा सुनील बलले एक/एक गोल गरे । निकै प्रतिस्पर्धात्मक खेलको ३७औं मिनेटमा भुटानका चेन्चो ग्याल्सेनले बराबरी गोल गरेका थिए ।
लिग चरणमा नेपालले भुटानलाई ४–० ले पराजित गरेको थियो । नेपालले स्वर्णपदक जित्दा पहिलोपटक फाइनल खेलेको भुटानले ऐतिहासिक रजत जितेको छ । योसँगै नेपालले १३औं सागमा ५१ ओटा स्वर्णपदक जितेको छ । यो अहिलेसम्मकै सागको इतिहासमा नेपालको उत्कृष्ट प्रदर्शन हो ।
यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Tweets by @mirmireonline
