अर्घाखाचीमा दुर्घटना एकै परिवारका तीन जनाको मृत्यु

अर्घाखाचीमा दुर्घटना एकै परिवारका तीन जनाको मृत्यु

  • सोमवार, अशोज २०, २०७६
  • मिर्मिरे अनलाइन

  • 9K
    SHARES

असाेज २० । अर्घाखाँची जिल्लाको नरपानीमा भएको जीप दुर्घटनामा श्रीमान् श्रीमातीसहित एकै परिवारका तीन जनाको मृत्यु भएको छ। उनीहरूका दुई छोरी सहित ६ जना घाइते भएका छन्।

दुर्घटनामा ज्यान गुमाउनेमा अर्घाखाँचीको ढाकाबाङ्ग पहाड घर भई हाल दाङ्ग लमही ५ मा बस्दै आएका ५० बर्षिय घनश्याम खनाल र उनकी श्रीमती ४६ बर्षिय श्यामकला खनाल रहेका छन्। उनीहरुका दुई छोरी घाइते भएका छन्। एकजना पुरुषको सनाखत हुन बाँकी रहेको अर्घाखाँची प्रहरी प्रमुख प्रहरी नायब उपरिक्षक प्रकाश बिष्टले जानकारी दिए।

लंका यातायात प्रालिको जीप दुर्घटना हुँदा तीन जनाको घटनास्थलमै ज्यान गएको हो। ६ जना घाइते भएका हुन्। घाइते मध्ये २ जनाको अवस्था गम्भीर छ।

कपिलवस्तुको गोरुसिंगेबाट सन्धिखर्क आउँदै गरेको लु १ ज ४३२९ नम्बरको जीप सन्धिखर्क नगरपालिका वडा नम्बर ६ नरपानी नजिकै दुर्घटनामा परेको हो। ९ जना सवार जीप पल्टिँदा तीन जनाको घटनास्थलमै ज्यान गएको हो भने ६ जना घाइते भएका हुन्।

दुर्घटनामा जीप चालक कपिलवस्तु बुद्धभूमीका वीरेन्द्र श्रेष्ठ, भूमिकास्थान १०, धनचौरका उमेश रेग्मी, दाङ लमही ५ की अनिता खनाल र बिन्दु खनाल, भूमिकास्थान १० कि सीमा रेग्मी र उनका १ वर्षिय छोरा आदित्य रेग्मी रहेका छन्। घाइतेहरु मध्ये चार जनालाई उपचारको लागि चौराह अस्पताल बुटवल पठाइएको छ।

यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Mirmire Online ठेगाना:अनामनगर काठमाडौँ
फोन : ०१-५९०१७७५, ९८४१८०८८४९
इमेल : mirmireonline@gmail.com
फेसबुक : facebook.com/onlinemirmire
सूचना तथा प्रशारण बिभाग दर्ता नं.: १७८/०७३-७४
©2016 Mirmire Online. All Right Reserved |  Site By: Sobij
संरक्षक: कल्याण तिम्सिना, प्रबन्ध निर्देशक: सिर्जना तिम्सिना, प्रधान सम्पादक : कृष्ण कुमार श्रेष्ठ, सम्पादक: वाशुदेव तिमिल्सना, प्रवन्धक - श्रीवास दास श्रेष्ठ