बाढी पीडितको उद्धार र राहतमा जुट्न नेकपाको निर्देशन, कांग्रेस कार्यकर्तापनि उद्धार कार्यमा परिचालित हुने

बाढी पीडितको उद्धार र राहतमा जुट्न नेकपाको निर्देशन, कांग्रेस कार्यकर्तापनि उद्धार कार्यमा परिचालित हुने

  • शनिबार, असार २८, २०७६
  • मिर्मिरे अनलाइन

  • 4.6K
    SHARES

काठमाडौं, असार २८ ।
सत्तारुढ दल नेपाल कम्युनिष्ट पार्टि नेकपाले बाढी, पहिरो पीडितको उद्धार र राहतमा सक्रियता पूर्वक जुट्न नेता कार्यकर्ताहरुलाई निर्देशन दिएको छ ।

प्रधानमन्त्री केपी शर्मा ओली र पार्टी अध्यक्ष पुष्पकमल दाहाल (प्रचण्ड)ले आज संयुक्त विज्ञप्ति जारी गर्दै सबै तहका कमिटी, नेता कार्यकर्ता र जनसंगठनहरुलाई उद्धार तथा राहतमा जुट्न निर्देशन दिनुभएको हो ।

विज्ञप्तिमा पीडितहरुको उद्धार र राहत कार्यमा सरकारका तर्फबाट आवश्यक पहल भइरहेको पनि उल्लेख छ । अध्यक्षद्वय ओली र प्रचण्डले बाढी, पहिरो तथा डुबानबाट भएको मानवीय एवम् भौतिक क्षतिबाट आफूहरु दुःखी भएको उल्लेख गर्नुभएको छ ।

यस्तै नेपाली कांग्रेसले आफ्ना संगठन र कार्यकर्तालाई अविरल वर्षाका कारण पिडितहरूको उद्धार कार्यमा सक्रियतापूर्वक परिचालित हुन निर्देशन दिएको छ ।

नेपाल सरकारलाई सम्बन्धित प्रदेश र स्थानीय तहका सरकारहरु समेतको समन्वय गरी उद्धारमा परिचालित हुन कांग्रेसले माग गरेको छ । नागरिकको जिउ–धन र भौतिक पूर्वाधार समेत जोखिममा परेको गम्भीर परिस्थितिमा नागरिकलाई उच्च सर्तकता अपनाउन आग्रह गरिएको छ ।

यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Mirmire Online ठेगाना:अनामनगर काठमाडौँ
फोन : ०१-५९०१७७५, ९८४१८०८८४९
इमेल : mirmireonline@gmail.com
फेसबुक : facebook.com/onlinemirmire
सूचना तथा प्रशारण बिभाग दर्ता नं.: १७८/०७३-७४
©2016 Mirmire Online. All Right Reserved |  Site By: Sobij
संरक्षक: कल्याण तिम्सिना, प्रबन्ध निर्देशक: सिर्जना तिम्सिना, प्रधान सम्पादक : कृष्ण कुमार श्रेष्ठ, सम्पादक: वाशुदेव तिमिल्सना, प्रवन्धक - श्रीवास दास श्रेष्ठ