नेकपा संसदीय दलको बैठकमा सांसदहरुले आ–आफ्नो धारणा राख्ने क्रम जारी

नेकपा संसदीय दलको बैठकमा सांसदहरुले आ–आफ्नो धारणा राख्ने क्रम जारी

  • शनिबार, असार २१, २०७६
  • मिर्मिरे अनलाइन

  • 5.8K
    SHARES

काठमाडौं, असार २१ ।
सत्तारुढ दल नेपाल कम्युनिस्ट पार्टीको संसदीय दलको बैठक अहिले बसिरहेको छ । संघीय संसद भवन नयाँबानेश्वरको ल्होत्से हलमा बसिरहेको बैठकमा आज पनि प्रस्तुत एजेन्डामाथि सांसदहरुले आ–आफ्नो धारणा राखिरहेका छन् ।

सांसदहरुले सरकारका निर्णय र काम–कारबाही, सरकारको नीति तथा कार्यक्रम र बजेट कार्यान्वयन, पार्टी सन्चालन तथा सरकारले संसदमा दर्ता गरेका विधेयकलगायतका विषयमा धारणा राखिरहेका छन् ।

गत सोमबारदेखि सुरु भएको बैठकमा आज २० जना सांसदले बोल्नका लागि नाम टिपाएको संसदीय दलका प्रमुख सचेतक देव गुरुङले जानकारी दिनुभयो ।

यसअघि, बैठकमा बोल्ने सांसदहरुले समृद्धिको राष्ट्रिय नीति नै बनाएर अघि बढ्न नेतृत्वलाई सुझाव दिएका थिए । अधिकांश सांसदले अहिलेकै गति र मतिले समृद्धिमा पुग्न नसकिने भन्दै राष्ट्रिय नीति नै बनाउन सुझाव दिएका छन् ।

आफूहरुलाई जिम्मेवारी नदिएका कारण सरकारका काम–कारबाही जनतासम्म पुग्न नसकेको गुनासो गर्दै उनीहरुले बजेट विनियोजन निष्पक्ष र समानुपातिक नभएको भन्दै आलोचना गरेका थिए ।

सरकारका निर्णयहरु, संसदमा दर्ता भएका विधेयकहरु, पार्टी सन्चालन पद्धतिलगायतका विषयमा सांसदहरुका फरक–फरक धारणा आउन थालेपछि एकरुपता ल्याउन भन्दै बैठक बोलाइएको थियो ।

सोमबारको बैठकमा २९ जना सांसदहरुले आफ्नो धारणा राखेका थिए ।

यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Mirmire Online ठेगाना:अनामनगर काठमाडौँ
फोन : ०१-५९०१७७५, ९८४१८०८८४९
इमेल : mirmireonline@gmail.com
फेसबुक : facebook.com/onlinemirmire
सूचना तथा प्रशारण बिभाग दर्ता नं.: १७८/०७३-७४
©2016 Mirmire Online. All Right Reserved |  Site By: Sobij
संरक्षक: कल्याण तिम्सिना, प्रबन्ध निर्देशक: सिर्जना तिम्सिना, प्रधान सम्पादक : कृष्ण कुमार श्रेष्ठ, सम्पादक: वाशुदेव तिमिल्सना, प्रवन्धक - श्रीवास दास श्रेष्ठ