सर्लाही, १६ असार ।
‘विप्लव’ नेतृत्वको नपाल कम्युनिस्ट पार्टीका सर्लाहि इन्चार्ज कुमार पौडेलको हत्याप्रकरणबारे छानविन गर्न गृह मन्त्रालयद्धारा गठित टोलीले दोहोरो भिडिन्तमा पौडेल मारिएको भन्ने कुनै तथ्य फेला पार्न नसकेको जनाएको छ ।
तीन दिनअघि सर्लाही पुगेको छानविन टोलीले पौडेलको दोहोरो भिडन्तका क्रममा प्रहरीको गोली लागेर मृत्यु भएको भन्ने दाबी पुष्टी गर्ने प्रमाण फेला पार्न नसकिएको जनाएको हो ।
संघीय संसद्को राज्यव्यवस्था तथा सुशासन समितिले गृह मन्त्रालयलाई घटनाको छानविन गरी प्रतिवेदन पेश गर्न निर्देशन दिएपछि गृह मन्त्रालयका उपसचिव दिपक नेपालको संयोजकत्वमा छानविन टोली गठन भएको थियो ।
उक्त टोली सर्लाहि पुगेर रितो हात काठमाडौ फर्किएको छ । टोलीले लालबन्दी नगरपालिकाका मेयर मानबहादुर खड्का, वडा नं. १ का वडाध्यक्ष पञ्चलाल स्याङ्गबो तथा घटनास्थल आसपासका बासिन्दासँग कुरा गरेर फर्किएको छानविन संयोजक नेपालले जानकारी दिनुभयो ।
उहाँका अनुसार टोलीले घटनास्थलको निरिक्षण गर्नुका साथै घटनास्थल आसपासका स्थानीयवासि र सम्बन्धित नगरपालिकाका मेयर, वडा अध्यक्ष लगायतसँग कुराकानी गरेको थियो । सो क्रममा घटनास्थाल आसपासका स्थानीयले पौडेलको हत्या भएके दिन सो क्षेत्रमा गोली चलेको आवाज नसुनेको बताएको पनि उहाँले जानकारी दिनुभयो ।
अन्य विभिन्न राजनैतिक दलका नेतासँग समेत भेट गरेको बताउदै टोलीले सबैले घटनाको बारेमा केही थाहा नभएको बताएको जनाएको छ ।
घटनाबारे नजिकबाट बुभ्mने र देख्ने कोही पनि नभएको टोलीले जनाएको छ । घटनाबारे नजिकबाट बुझ्ने कोही भए अभैm पनि गृह मन्त्रालयको इमेलमा जानकारी पठाउन सकिने नेपालले बताउनु भयो ।
गत असार ५ गते विहीबार दिउँसो २ बजे सर्लाहीकै लालबन्दी नगरपालिका–१ लखन्देही खोलादेखि पूर्व र चन्द्रपुर जंगल पश्चिम सडकमै प्रहरीले गोली प्रहरार गरि पौडेलको हत्या भएको थियो ।
प्रहरीले विशेष सुराकीका अधारमा पिछा गर्दै गएको प्रहरी गस्ती टोलीमाथि आक्रमण भएपछि पौडेलको जवाफि कार्वाहिमा मृत्यु भएको दाबी गर्दै आएको छ ।
तर विप्लव नेतृत्वको ने.क.पा.ले भने नियन्त्रणमा लिएर कायरतापूर्वक आफ्ना नेता पौडेलको हत्या गरिएको आरोप लगाउँदै आएको छ। त्यस्तै आफन्तले समेत प्रहरीले नियन्त्रणमा लिएर हत्या गरेको भन्दै छानविनको माग गरेका छन् ।
यता, सत्तारुढ दल नेपाल कम्युनिस्ट पार्टीकै सांसद्ले पनि पौडेललाई नियन्त्रणमा लिएर प्रहरीले हत्या गरेको भन्दै विरोध गर्दै आएका छन् ।
सत्तारुढ नेताहरुले नै प्रहरीले पौडेलको हत्या गरेको भन्दै छानविनको माग गरेपछि सुशासन समितिको बैठकले गृहमन्त्री रामबहादुर थापा बादल र प्रहरी महानिरीक्षक सवेन्द्र खनाललाई बोलाएर छानविन प्रतिवेदन पेश गर्न निर्देशन दिएको थियो।
छानविन टोली सुटुक्कै एक÷दुई जनालाई मात्र भेटेर फर्किएको भन्दै जिल्लास्थित मानवअधिकारकर्मी, विभिन्न दलका नेता, नागरिक समाजका अगूवाहरुले भने असन्तुष्टि व्यक्त गरेका छन् ।