काठमाडौं, असार ३ । सरकारले भूमि व्यवस्थासम्बन्धी विधेयक फिर्ता लिएको छ ।भोलि काठमाडौंमा बृहत विरोध कार्यक्रम हुने निश्चित भएपछि सरकारले आज हतारहतार विधेयक फिर्ता लिने निर्णय गरेको हो।
भूमि व्यवस्था, सहकारी तथा गरिबी निवारणमन्त्री पद्मा अर्यालले मंगलबार अपराह्न मन्त्रालयमै पत्रकार सम्मेलन गर्दै राष्ट्रियसभामा दर्ता गरिएको गुठी विधेयक फिर्ता लिएको जानकारी दिएकी हुन् । सरोकारवालाहरुसँग छलफल गरेर अर्को विधेयक ल्याउने निर्णय भएको पनि मन्त्री अर्यालले जानकारी दिइन् ।
‘जनतालाई उत्तेजित र भ्रमित पार्न खोजिएको छ,’ विधेयक फिर्ता लिएको जानकारी दिन आयोजित पत्रकार सम्मेलनमा उनले भनिन्, ‘सरोकारवालासँग छलफल गरेर पछि मात्र यसलाई अगाडि बढाइने छ।’सरकारले सदनमा ल्याएको गुठी सम्बन्धी कानुनलाई एकीकरण र संशोधन गर्न बनेको विधेयकको काठमाडौंवासीले कडा प्रतिकार गर्ने तयारी गरिरहेको अवस्थामा सरकार पछि हटेको हो।
