काठमाडौं २ असार ।
मोहन वैद्य नेतृत्वको नेकपा (क्रान्तिकारी माओवादी) निकट विद्यार्थी संगठन अखिल क्रान्तिकारीका केन्द्रीय अध्यक्षसहितका नेताहरुलाई आज प्रहरीले गिरफतार गरेको छ ।
त्रिवि सेवा आयोगमा भएको अनियमितताको विरोधमा रिले अनसनमा बसिरहेका संगठनका अध्यक्ष हरिकृष्ण गजुरेल सहितका १६ जना नेता कार्यकर्तालाई प्रहरीले अनसन स्थलबाटै गिरफतार गरेको जनाईएको छ ।
आज कीर्तिपुरस्थित त्रिवि सेवा आयोगको गेटमा क्रान्तिकारीले तालाबन्दी गर्दै आयोगका पदाधिकारीलाई कार्यालय प्रवेशमा रोक लगाएको थियो । तालाबन्दी पछि गेटमै रिले अनसन बसिरहेका उनीहरुलाई प्रहरीले पक्राउ गरेको हो ।
गिरफतार गर्ने क्रममा आफुहरुमाथि प्रहरीले कुटपिट समेत गरेकोले केही कार्यकर्ताहरु घाइते भएको अध्यक्ष जुरेलले जनाउनु भएको छ । पक्राउ पर्नेमा अखिल क्रान्तिकारीका महासचिव पेशल दाहाल, सचिवद्वय महेश श्रेष्ठ र सुर्य कार्कीलगायत रहेका छन ।

पक्राउ गरेर उनीहरुलाई प्रहरीले अहिले कालिमाटी प्रहरी वृतमा राखेको बताईएको छ । उनीहरुले प्रहरी कार्यालयमै पनि अनसन सुरु गरेको घोषणा गरेका छन ।
भिडियो ।
https://www.facebook.com/netrashahiko/videos/1034711433543848/?t=203
भिडियोः नेत्र शाहीको फेसबुकबाट