सुदूर पश्चिमका जिल्लामा प्रहरी परीचालन गरिएको भन्दै ने.क.पा.को आपत्ति, धरपकट बन्द नगरे संघर्षमा उत्रने चेतावनी (विज्ञप्तिसहित)

सुदूर पश्चिमका जिल्लामा प्रहरी परीचालन गरिएको भन्दै ने.क.पा.को आपत्ति, धरपकट बन्द नगरे संघर्षमा उत्रने चेतावनी (विज्ञप्तिसहित)

  • सोमवार, असार २, २०७६
  • मिर्मिरे अनलाइन

  • 11.5K
    SHARES

काठमाडौं, २ असार ।

विप्लव नेतृत्वको नेपाल कम्युनिस्ट पार्टीले सुदूर पश्चिमका बिभिन्न जिल्लामा प्रहरी परीचालन गरी जनतामाथि आतंक मच्याएको भन्दै आपत्ति जनाएको छ ।

ने.क.पा. सेती-महाकाली व्युरोले सोमवार विज्ञप्ति जारी गरी सत्तारुढ नेकपाका नेताहरुको निर्देशनमा ती जिल्लाहरुमा व्यापक प्रहरी परिचालन गर्दै जनतालाई आतंकित पारेको भन्दै आपत्ति जनाएको हो ।

व्युरो इन्चार्ज निर्माणले कैलालीको चुरे क्षेत्रमा संयुक्त सुरक्षाफौज गर्नुका साथै काठमाडौमा भएको बम विस्फोटमा परी सहिद भएका बझाङका बिद्यार्थी नेता प्रज्वल शाहीको परिवार र गाउँलेलाई आतंकित पार्ने काम गरिरहेको पनि विज्ञप्तिमा जनाउनु भएको छ ।

यस्तै अछाममा पनि गाँउ गाँउमा प्रहरी परिचालन गरिएको र घरमै सुतिरहेका पार्टी कार्यकर्ता पदम बुढालाई गिरफ्तार गरी झुठा मुद्वामा फसाउने सड्यन्त्र भएको पनि उहाँले बताउनु भएके छ । इन्चार्ज निर्माणले कतिपय पार्टीका नेता कार्यकर्तालाई पार्टी छाड्न धम्कि समेत दिने गरेको भन्दै त्यसप्रति पार्टीको गम्भिर ध्यानाकर्षण भएको जनाउनु भएको छ

साथै उहाँले गाँउ गाउँमा परिचालित प्रहरी फिर्ता गर्न, झुठा मुद्धामा बन्दी बनाईएका नेताकार्यकर्ताहरुलाई विनासर्त रिहा गर्न, गैर कानुनी गिरफ्तारी रोक्न र राज्य आतंक बन्द गर्न पनि माग गर्नुभएको छ ।

राज्यले प्रहरी प्रशासनको दुरुपयोग गरी दमन र धरपकडलाई निरन्तरता दिए त्यसको ससक्त प्रतिरोध गर्न बाध्य हुने चेतावनी समेत उहाले दिनुभएको छ । त्यसको जिम्मेवार स्वयम सरकार हुने समेत इन्चार्ज निर्माणको चेतावनी छ ।

उहाँले सरकारको फासिवादी कार्यको घोर बिरोध गर्दै सङ्घर्षमा उत्रन आम नेपाली जनतालाई समेत आह्वान गर्नुभएको छ ।

यस्तो विज्ञप्ति

यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Mirmire Online ठेगाना:अनामनगर काठमाडौँ
फोन : ०१-५९०१७७५, ९८४१८०८८४९
इमेल : mirmireonline@gmail.com
फेसबुक : facebook.com/onlinemirmire
सूचना तथा प्रशारण बिभाग दर्ता नं.: १७८/०७३-७४
©2016 Mirmire Online. All Right Reserved |  Site By: Sobij
संरक्षक: कल्याण तिम्सिना, प्रबन्ध निर्देशक: सिर्जना तिम्सिना, प्रधान सम्पादक : कृष्ण कुमार श्रेष्ठ, सम्पादक: वाशुदेव तिमिल्सना, प्रवन्धक - श्रीवास दास श्रेष्ठ