पार्टी एकीकरणताका भएका सबै सहमति इमान्दारिताका साथ कार्यान्वयन हुनपर्छ: दाहाल

पार्टी एकीकरणताका भएका सबै सहमति इमान्दारिताका साथ कार्यान्वयन हुनपर्छ: दाहाल

  • सोमवार, असार २, २०७६
  • मिर्मिरे अनलाइन

  • 9.4K
    SHARES

काठमाडौं, असार २ ।
सत्तारुढ दल नेपाल कम्युनिष्ट पार्टी (नेकपा)का अध्यक्ष पुष्पकमल दाहालले पार्टी एकीकरणका समयमा भएका सबै सहमति इमान्दारिताका साथ कार्यान्वयन हुनुपर्ने बताउनु भएको छ ।

पार्टी कार्यालय धुम्बाराहीमा रितबहादुर खड्काको १७ औं स्मृति दिवसका अवसरमा आयोजित कार्यक्रममा अध्यक्ष दाहालले सहमतिअनुसार नै पार्टी सञ्चालन हुनुपर्ने बताउनु भएको हो ।

तत्कालीन एमाले र माओवादी केन्द्रबीच एकीकरण हुँदा सत्ता हस्तान्तरणका विषयमा भएको सहमतितर्फ संकेत गर्दै दाहालले सहमतिहरु इमान्दारिताका साथ कार्यान्वयन हुनुपर्ने बताउनुभयो । उहाँले सहिदका सपना साकार पार्न कम्युनिस्ट पार्टीलाई जनताले मत दिएको प्रष्ट पार्दै त्यसलाई खेर जान दिन नहुने बताउनुभयो ।

अध्यक्ष दाहालले जनवाद मार्फत् समाजवादमा पुग्ने कम्युनिस्ट पार्टीको लक्ष्य भएको बताउनुभयो । पार्टी एकीकरण गर्दा प्रष्ट रुपमा वैचारिक लाइन तय भइसकेको भए पनि कतिपय नेताहरुले यसलाई गलत ढंगबाट व्याख्या गरेको उहाँको भनाइ थियो ।

पछिल्ला दिनमा पार्टी सचिवालय सदस्य ईश्वर पोखरेलले जनताको बहुदलीय जनवाद नै पार्टीको लाइन भएको बताउँदै आउनु भएको छ । तर, एकीकृत पार्टीको दस्तावेजमा जनताको जनवाद मात्र उल्लेख छ ।

यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Mirmire Online ठेगाना:अनामनगर काठमाडौँ
फोन : ०१-५९०१७७५, ९८४१८०८८४९
इमेल : mirmireonline@gmail.com
फेसबुक : facebook.com/onlinemirmire
सूचना तथा प्रशारण बिभाग दर्ता नं.: १७८/०७३-७४
©2016 Mirmire Online. All Right Reserved |  Site By: Sobij
संरक्षक: कल्याण तिम्सिना, प्रबन्ध निर्देशक: सिर्जना तिम्सिना, प्रधान सम्पादक : कृष्ण कुमार श्रेष्ठ, सम्पादक: वाशुदेव तिमिल्सना, प्रवन्धक - श्रीवास दास श्रेष्ठ