‘नेवार समुदायको धर्म र संस्कृतिमाथि प्रहार भए उपत्यका घेराबन्दी हुन्छ’

‘नेवार समुदायको धर्म र संस्कृतिमाथि प्रहार भए उपत्यका घेराबन्दी हुन्छ’

  • मङ्लबार, जेष्ठ २८, २०७६
  • मिर्मिरे अनलाइन

  • 9.5K
    SHARES

काठमाडौ, जेठ २८ ।
नेपाली कांग्रेसका सांसद राजेन्द्रकुमार केसीले धर्म र संस्कृतिलाई चलाउने काम नगर्न सरकारलाई चेतावनी दिनुभएको छ ।

प्रतिनिधिसभाको आजको बैठकमा बोल्दै सांसद केसीले सरकारले ल्याउन लागेको गुठी विधेयकको विरोध गर्दे काठमाण्डौ उपत्यकाका नेवार समुदायको धर्म र संस्कृतिमाथि प्रहार गर्ने काम भए उपत्यका घेराबन्दी हुने चेतावनी दिनुभयो ।

सरकारले ल्याएको विधेयकबाट गुठीयारहरु आतंकित भएको भन्दै उहाँले विधेयक उपत्यकावासीलाई कुनै पनि अवस्थामा स्वीकार्य नहुने चेतावनी दिनुभयो । धर्म संस्कृतिको संरक्षणको लागि मण्डलामा आएका सर्वसाधरणलाई सरकारले निर्मम ढंगले लाठी प्रहार गर्ने काम भएको भन्दै उहाँले घटनाको घोर भर्त्सना गर्नुभयो ।

उहाँले विधेयक फिर्ता नलिएर त्यसको विरोधमा काठमाडौ घेराबन्दी हुने र भयाभह स्थित सिर्जना हुने चेतावनी दिनुभयो । प्रधानमन्त्रीले विदेशीको धर्म प्रचारप्रसार गरेर हिन्दु धर्म समाप्त पार्ने खेलमा लागेको आरोप लगानुभयो । उहाँले हिन्दू धर्म मात्रै नभई बौद्ध लगायतका धर्मका पनि गुठीहरु रहेको भन्दै धर्म संस्कृति ध्वस्त पार्ने गुठी विधेयक तत्काल फिर्ता गर्न माग गर्नुभयो ।

गुठीयारहरु आफूहरुको धर्म र संस्कृति हनन गर्न लागेको भन्दै निकै आक्रोशित रहेको भन्दै काठमाण्डौवासीको संस्कार र भावनासँग खेलवाड नगर्न आग्रह गर्नुभयो ।

यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Mirmire Online ठेगाना:अनामनगर काठमाडौँ
फोन : ०१-५९०१७७५, ९८४१८०८८४९
इमेल : mirmireonline@gmail.com
फेसबुक : facebook.com/onlinemirmire
सूचना तथा प्रशारण बिभाग दर्ता नं.: १७८/०७३-७४
©2016 Mirmire Online. All Right Reserved |  Site By: Sobij
संरक्षक: कल्याण तिम्सिना, प्रबन्ध निर्देशक: सिर्जना तिम्सिना, प्रधान सम्पादक : कृष्ण कुमार श्रेष्ठ, सम्पादक: वाशुदेव तिमिल्सना, प्रवन्धक - श्रीवास दास श्रेष्ठ