भैरहवा, जेठ १९ ।
प्रमुख प्रतिपक्षी दल नेपाली काँग्रेसका सभापति शेरबहादुर देउवाले सरकारले संबिधानको मर्म र भावना विपरित काम गर्दै हिडेकाले कम्युनिष्ट नेतृत्वको सरकार लामो समय नटिक्ने बताउनु भएको छ ।
नेपाल प्रेस युनियन रुपन्देहीले आज भैरहवा विमानस्थलमा आयोजना गरेको पत्रकार भेटघाट कार्यक्रममा बोल्दै सभापति देउवाले सरकारले ल्याएको मिडिया काउन्सील बिधेयक, स्वतन्त्र न्यायलयमाथिको हस्तक्षेप तथा मानव अधिकारमाथिको हस्तक्षेप संबिधानको मर्म र भावना बिपरित रहेको बताउनु भएको हो ।
सभापति देउवाले बर्तमान सरकार पछिल्लो समय तानाशाह शैलीमा अगाडि बढेको बताउँदै नेपालमा तानाशाह सम्भव नभएकोे जिकिर गर्नुभयो । सभापति देउवाले सरकारले प्रेस र न्यायलयलाई स्वतन्त्र नछोडे राणा, पञ्चायत र राजा जस्तै सदाका लागि कम्युनिष्टहरुलाई पनि हटाउने चेतावनी दिनुभयो ।
पूर्व प्रधानमन्त्री समेत रहेका देउवाले वाइड बढी जहाज, बुडि गण्डकी जलबिद्युत आयोजना, बालुवाटार प्रकरणमा सरकारले चरम भ्रष्टचार गरेको उल्लेख गरेको बताउनुभयो । उहाँले सरकारका गलत कामको भण्डाफोरका लागि काग्रेसले सडक आन्दोलन समेत गर्ने बताउनुभयो ।