ललितपुर, १३ जेठ ।
खुमलटारको टुटेपानीमा रहेको नेपाल लेप्रोसी ट्रस्ट भवन पेटीमा बम फेला परेको छ । लेप्रोसी ट्रस्टको पेटीमा झोलाभित्र प्रेसर कुकुर बम भेटिएको हो । सेनाले रोबोटको सहायताले बम निस्क्रिय बनाएको छ ।
पाँच लिटरको कुकरमा दुई वटा डेटोनेटर र ६ वटा क्यामरामा लगाउने जस्तो देखिने ब्याट्री भेटिएको प्रहरीले जनाएको छ ।
त्यसैगरी भैसेपाटीको आभास क्षेत्रनजिकै उकालो बाटोमा ६ वटा डेटोनेटर र बिस्फोटक पाउडरसहितको बम फेला परेको सेनाले जानकारी दिएको छ । उतm बम लगनखेलस्थित राजदल गणले निस्क्रिय बनाएको हो ।
सोमबार बिहान ललितपुरका दुई ठाउँ राखिएका बम निकै शतिmशाली रहेकोे डिस्पोजमा खटिएका सेनाले जनाएका छन् । एउटा डेटोनेटरले एउटा घरलाई क्षति गर्न सक्ने सेनाको भनाई छ ।
बिहानै भैसेपाटीमा बम डिस्पोज गरी खुमलटार आइपुगेको राजदल गणका टोलीले क्षति कम गर्नका लागि सिनामंगलबाट रोबोट झिकाएको थियो । खुमलटारमा करीब साढे सात बजे बम भेटिएकोमा झण्डै १० बजे मात्रै डिस्पोज गरिएको थियो ।
उता, महानगरीय प्रहरी परिषर जाउलाखेलका प्रवक्ता नारायण चिमोरियाले भेटिएका बमहरु कस्ता प्रकृतिका हुन परीक्षणपछि मात्रै थाहा हुने बताए ।फोटो -अन्नपूर्णबाट