बन्दका क्रममा देशभरबाट एक दर्जन गिरफ्तार, बन्दमा कहाँ के भयो ?(ताजा अपडेट)

बन्दका क्रममा देशभरबाट एक दर्जन गिरफ्तार, बन्दमा कहाँ के भयो ?(ताजा अपडेट)

बन्दमा अप्रिय घटना घटेको छैनः प्रवक्ता पोख्रेल

  • सोमवार, जेष्ठ १३, २०७६
  • मिर्मिरे अनलाइन

  • 12.1K
    SHARES

काठमाडौं, जेठ १३ ।
नेपाल कम्युनिस्ट पार्टीले आह्वान गरेको नेपाल बन्दका क्रममा देशभरबाट एक दर्जन पक्राउ परेका छन् । हालसम्म काठमाडौं, ललितपुर र झापाबाट गरी १२ जना पक्राउ परेको प्रहरीले जनाएको छ ।
नेपाल प्रहरीका प्रवक्ता डिआईजी विश्वराज पोख्रेलका अनुसार आईतवार र सोमवार दुई दिनमा काठमाडौंबाट ७, ललितपुरबाट ४ र झापाबाट १ जना पक्राउ परेका हुन् । हिजो बिस्फोटमा घाईते भएकाहरुबाहेक अहिलेसम्म १२ जना पक्राउ परेको उहाँले बताउनु भयो ।
काठमाडौको अनामनगर घट्टेकुलो, सुकेधार र थानकोटमा भएको बिस्फोटमा परी घाईते भएका ७ जनाको पनि प्रहरी निगरानीमा वीर अस्पताल, सहिद मेमोरियल हस्पिटल कलङकि लगायतका बिभिन्न अस्पतालमा उपचार भईरहेको छ ।
प्रवक्ता पोख्रेलका अनुसार घाईते मध्ये हालसम्म काभ्रेका हरि खड्का, ललितपुर चुन्निखेलका सुरेन्द्र महर्जन, जीतकुमार ठाकुर , बुद्धि लामा , विक्रम लामा र रविन केसीको मात्र पहिचान खुलेको छ भने एक जनाको पहिचान हुन सकेको छैन । बुद्धी र बिक्रम थानकोट बिस्फोटमा घाईते भएका हुन् भने रविन घट्टेकुलो र अन्य सुकेधाराको बिस्फोटमा परी घाईते भएका हुन् ।
बन्दको क्रममा आज छिटफुट आगजनी तथा शंकास्पद बस्तु फेला परेको भएपनि देशभरको अवस्था सामान्य रहेको प्रवक्ता पोख्रेलले जानकारी दिनुभयो ।
उता बन्दको अवज्ञा गरेको भन्दै सुर्खेतमा एउटा यात्रुबहाक सबमा आगजनी गरिएको छ । प्रहरीका अनुसार गुर्भाकोट नगरपालिका–१४ को गुमीबाट छिन्चु आउँदै गरेको ना २ ख ७४४४ नम्बरको बसमा बिहानै आगजनी भएको हो । आगजनीबाट बस पूर्णरुपमा जलेर क्षतिग्रस्त भएको सुर्खेत प्रहरीले जनाएको छ ।
रामेछापको ना ८ ख ३७७० नम्बरको ट्रिपरमा आगजनी भएको छ भने मकवानपुरको चौकी टोल र खानीगाउँमा दुई ट्रकमा आगजनी भएको छ ।
त्रिभुवन राजपथ अन्तर्गत हेटौंडाको चौकीटोलमा ना ७ ख ९४९३ नम्बरको मिनी ट्रकमा आगजनी भएको र आगजनीबाट ट्रममा सामान्य क्षति पुगेको छ । यसैगरी हेटौंडातर्फ आउँदै गरेको ना ६ ख ८००७ नम्बरको एउटा खाली ट्रकमा पनि आगजनी भएको छ ।
यसैगरी नवलपुरको अरुणखोला पुल नजिकै लु २ ख १०८ नम्बरको ट्रकमा पेट्रोल बम प्रहार भएको छ ।
यस्तैै पूर्वपश्चिम राजमार्गको हेटौंडा(९ पशुपतिनगरमा ‘खतरा’ लेखिएका शंकास्पद वस्तुु पनि फेला परेको इलाका प्रहरी कार्यालय पशुपतिनगरले जनाएको छ । रौतहटको चन्द्रनिगाहपुर मुख्य चोकमा पनि प्रेसरकुकर बम फेला परेको छ ।
अर्घाखाँचीको सदरमुकाम सन्धिखर्क्स्थित अर्घाखाँची र बाग्लुङमा पनि बम फेला परेका छन् । बाग्लुङ नगरपालिका २ कुडुलेचोकमा पनि बम फेला परेको छ ।
त्यसैगरी कपिलवस्तुको वाणगंगाका दुई स्थानमा पनि बम भेटिएका छन् । बमलाई सुरक्षाकर्मीले नियन्त्रणमा लिएर निष्कृय पारेका छन् ।
नवलपुरको मध्यबिन्दु नगरपालिका–११ दाउन्नेमा लु २ ख १०८ नम्बरको सिमेन्ट बोकेको ट्रकमा पेट्रोल बम प्रहार भएको छ । पेट्रोल बम प्रहारबाट ट्रक चालक घाइतेसमेत भएका छन् । त्यसैगरी कावासोती नगरपालिका–१६ पत्थरखोला पुल नजिकै गुडिरहेको बा ३ च ९३ नम्बरको जिपमा पनि पेट्रोल बम प्रहार भएको छ ।
गण्डकी प्रदेशको राजधानी पोखराको मुख्य चोकमा बम भेटिएको बताइएको छ । पोखराको पृथ्वी चोकमा भेटिएको बम सुरक्षाकर्मीले निष्कृय पारेका छन् ।
यसअघि पृथ्वी राजमार्गअन्तर्गत धादिङको महादेवबेंशी पुलमा पनि विस्फोटक पदार्थ फेला परेको छ । प्रहरीका अनुसार, गजुरीबाट आएको नेपाली सेनाको सेनाको टोलीले झण्डै चार घण्टा लगाएर उक्त विस्फोटक पदार्थ निस्क्रिय पारेको थियो ।
बन्दका कारण राजमार्गका साथै देशका मुख्य सहर सुनसान छन् । काठमाडौं उपत्यकामा पनि पछिल्ला बन्दभन्दा निकै प्रभाव परेको छ । अति आवशकीय सवारी साधान बाहेक फाट्टफुट्ट मात्रै सार्वजनिक यातायात चलेका छन् ।
यसैबीच सर्लाहीको हरिपुर नगरपालिकाको कार्यालयमा बम विष्फोट भएको छ । राती ११ बजे भएको विष्फोटले नगरपालिका कार्यालय भवनको झ्यालको सिसा तथा कम्पाउण्ड वालमा क्षति पुगेको प्रहरीले जनाएको छ।

यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Mirmire Online ठेगाना:अनामनगर काठमाडौँ
फोन : ०१-५९०१७७५, ९८४१८०८८४९
इमेल : mirmireonline@gmail.com
फेसबुक : facebook.com/onlinemirmire
सूचना तथा प्रशारण बिभाग दर्ता नं.: १७८/०७३-७४
©2016 Mirmire Online. All Right Reserved |  Site By: Sobij
संरक्षक: कल्याण तिम्सिना, प्रबन्ध निर्देशक: सिर्जना तिम्सिना, प्रधान सम्पादक : कृष्ण कुमार श्रेष्ठ, सम्पादक: वाशुदेव तिमिल्सना, प्रवन्धक - श्रीवास दास श्रेष्ठ