काठमाडौं, १० जेठ ।
नेपाल कम्युनिस्ट पार्टी (ने.क.पा.)का पोलिटब्यूरो सदस्य एवं जनवर्गीय संगठनका ईन्चार्ज मोहनबहादुर कार्की ‘जीवन्त’लाई आज पनि सर्वोच्च अदालतमा उपस्थित गराईएको छ ।
नेता कार्कीलाई अदालतमा उपस्थित गराईएपनि आज उहाँको रिहाईको माग गर्दै सर्वोच्च अदालतमा दायर बन्दी प्रत्यक्षीकरणको रिट निवेदनमाथि बहस हुन सकेन ।
कार्कीलाई गैरकानुनी थुनामा राखेको भन्दै पत्नि मोहनकुमारी कार्कीले रिहाईको माग गर्दै बन्दी प्रत्यक्षीकरणको रिट दायर गर्नुभएके थियो । तर उक्त मुद्धामा यसअघि अदालतले थुनामा राख्नुपर्ने कारणसहित बन्दीलाई तीन दिन भित्र अदालतमा उपस्थित गराउन आदेश दिएपछि उहालाई अदालतमा उपस्थित गराईएको हो ।
तर जिल्ला अदालत सुनसरीले मिसिल नपठाएपछि उक्त मुद्धामा बहस हुन नसकेको बताईएको छ ।
यसअघि चैत १ गते ललितपुरको च्यासलबाट कोठाबाटै गिरफ्तार जिवन्तलाई अदालतले रिहा गरेपनि पटक पटक प्रहरीले गिरफ्तार गर्दै आएको छ ।