पाँचथर हत्याकाण्डः मृतक सबैको पोष्टमार्टमपछि शव परिवारको जिम्मा लगाईयो

पाँचथर हत्याकाण्डः मृतक सबैको पोष्टमार्टमपछि शव परिवारको जिम्मा लगाईयो

  • बुधबार, जेष्ठ ८, २०७६
  • मिर्मिरे अनलाइन

  • 4.4K
    SHARES

सुनसरी, जेठ ८ ।
पाँचथरको मिक्लाजुङ–३, आरुबोटेमा हत्या गरिएका १० जनाकै शव धरानमा पोस्टमार्टम गरिएको छ । मृतक सबैको शव धरानस्थित बीपी कोइराला स्वास्थ्य विज्ञान प्रतिष्ठानमा पोस्टमार्टम गरी बुधबार परिवारको जिम्मा लगाइएको इलाका प्रहरी कार्यालय धरानका प्रहरी नायव उपरीक्षक डुण्डीराज न्यौपानेले जानकारी दिनुभयो ।

काठमाडौंबाट आएको नेपाल प्रहरीको केन्द्रीय अनुसन्धान ब्यूरो (सीआइबी)को विशेष टोलीले मंगलबार घटनास्थलको अनुगमन गरेर अनुसनधान अघि बढाएपछि उठाइएका शव धरान ल्याएर पोस्टमार्टम गरिएको हो ।
पोस्टमार्टममा धारिलो हतियार प्रहार गरी हत्या गरिएको देखिएको प्रहरीले जनाएको छ ।

मिक्लाजुङ–७, लुमाङ्दिनमा झुन्डिएको अवस्थामा फेलापरेको एउटा शव पनि सँगै धरान ल्याएर पोस्टमार्टम गरिएको हो ।
सोमवार राति मिक्लाजुङ गाउँपालिका–३, आरुबोटेमा दुई परिवारका ९ जनाको विभत्स हत्या भएको थियो । घटनास्थलभन्दा दुई घन्टा परको पैदल दूरीमा मानबहादुर माखिमको शव पनि झुन्डिएको अवस्थामा फेलापरेको थियो ।
माखिमले नै दुवै परिवारका सदस्यको हत्या गरेर आफू झुन्डिएको हुनसक्ने आशंका प्रहरीले गरेको छ । घटनाबारे थप अनुसन्धान जारी रहेको प्रहरीले जनाएको छ ।

यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Mirmire Online ठेगाना:अनामनगर काठमाडौँ
फोन : ०१-५९०१७७५, ९८४१८०८८४९
इमेल : mirmireonline@gmail.com
फेसबुक : facebook.com/onlinemirmire
सूचना तथा प्रशारण बिभाग दर्ता नं.: १७८/०७३-७४
©2016 Mirmire Online. All Right Reserved |  Site By: Sobij
संरक्षक: कल्याण तिम्सिना, प्रबन्ध निर्देशक: सिर्जना तिम्सिना, प्रधान सम्पादक : कृष्ण कुमार श्रेष्ठ, सम्पादक: वाशुदेव तिमिल्सना, प्रवन्धक - श्रीवास दास श्रेष्ठ