काठमाडौं, वैशाख २८ ।
नेपाली कांग्रेसका नेता प्रकाशमान सिंहले सरकार आफै संघीयतालाई असफल बनाउन लागिरहेको आरोप लगाएका छन् । वर्तमान सरकारले मुलुकमा सुशासन दिन नसकेको आरोप लगाउँदै नेता सिंहले भने, ‘सरकार विकास बजेट खर्च गर्न नसकेर संघीयतालाई असफल बनाउन लागिरहेको छ’
नेपाली कांग्रेसस काठमाडौं क्षेत्र नम्बर–१ ले शनिबार आयोजित चियापान तथा भेटघाट कार्यक्रममा उनले समृद्धिको नारा लगाएको सरकारले सुशासन दिन नसकेको तर्क गरे ।
उनले वर्तमान सरकारले संसदको मर्यादालाई पालना समेत गर्न नसकेको बताए । प्रधानमन्त्री केपी शर्मा ओलीले संसदको मर्यादा समेत ख्याल गर्न नसक्नु लजजास्पद भएको सिंहकाे भनाइ थियाे ।
नेता सिंहले कांग्रेस पार्टीलेमात्र मुलुकको विकास गर्ने उल्लेख गरे । पहिलो संविधानसभा निर्वाचनमा चारजना कम्युनिस्ट प्रधानमन्त्री बन्दासमेत मुलुकमा संविधान निर्माण गर्न नसकेको उनको तर्क थियो । नेता सिंहले नेपाली जनतालाई अधिकार दिलाउन कांग्रेसले जस्तोसुकै मूल्य चुकाउन तयार रहेको पनि बताए ।