गौशाला, वैशाख २२ । भारतमा भइरहेको लोकसभा निर्वाचनका कारण महोत्तरी जिल्लासँग जोडिएका ११ सीमानाका आइतबार बिहानदेखि ‘सिल’ गरिएको छ ।
भारतको बिहार राज्यको विभिन्न लोकसभा सिटमा सोमबार हुने निर्वाचनलाई मध्यनजर गदै आइतबार बिहान ५ बजेदेखि सोमबार साँझ ५ बजेसम्मका लागि महोत्तरीका सीमानाका सिल गरिएकाे हाे ।
भारतको बिहार राज्यको सीतामढी, मधुबनी जिल्लासँग सीमा जोडिएको महोत्तरीका ११ ओटै नाकामा सिल गर्नुका साथै सीमानाका क्षेत्रमा उच्च सतर्कता अपनाइएको महोत्तरीका प्रमुख जिल्ला अधिकारी उमेशकुमार ढकालले जानकारी दिए ।
अहिले सीमानाकामा नेपाल–भारत दुवैतर्फ उल्लेख्यरुपमा सुरक्षाकर्मी परिचालन गरिएको छ भने अत्यावश्यक सेवाबाहेकका सवारी र मानिसको आवत–जावतमा रोक लगाइएको छ ।सीमा क्षेत्रको नेपाली बजारमा मदिरा पदार्थको बेचबिखनमा पनि रोक लगाइएको छ ।
यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Tweets by @mirmireonline