काठमाडौं , ६ वैशाख । नेपाल कम्युनिस्ट पार्टीले वैशाख ७ गते नवलपुरको कावासोतीमा प्रधानमन्त्री केपि ओली आउने कार्यक्रम स्थगित गर्न माग गरेको छ । नेपाल कम्युनिस्ट पार्टी नवलपुरका सेक्रेटरी बिश्वासले एक विज्ञाप्ति जारी गर्दै उक्त माग गरेका हुन् ।
सेक्रेटरी बिश्वासद्वारा जारी विज्ञाप्तिमा भाेली नवलपुरको कावासोतिमा हुन लागेकेा कार्यक्रम तत्काल स्थगित गर्न आयोजकलाई अपिल गरिएकाे छ ।
बिज्ञप्तीमा भनिएकाे छ, ‘हाम्रो पार्टीका महासचिवद्वारा हस्ताक्षरित यसअघिको विज्ञप्तिमा उल्लेख गरिएको पुर्बनिर्धारित कार्यक्रम अनुसार नै हाम्रो पार्टीमाथी लगाईएको कथित प्रतिबन्ध नहटाएसम्म केपि-पिके सरकारमाथी प्रतिबन्ध लगाईएको घोषणा गर्न बाध्य भएका छौं । पार्टीले लगाएको प्रतिबन्धलाई बेवास्ता गरी दलाल केपि गिरोह सहभागी हुने कुनै कार्यक्रम नगर्नुहुन साथै केपी गिरोह उपस्थित हुने कार्यक्रममा सहभागी नहुनको लागि जिल्लास्थित विभिन्न संघ-सस्था, बिधालय, सरकारी तथा गैरसरकारी कार्यलय र आमजनसमुदायलाई अपिल समेत गर्दछौं ।’
