१ वैशाख, काठमाडौं ।
नयाँ वर्ष २०७६ सालकाे पहिलाे दिन नै प्रधानमन्त्री केपी शर्मा ओलीले विपक्षी दलहरूलाई नन्दी भृंगीको संज्ञा दिएका छन् ।
‘खोलौं बैंक खाता अभियान’ शुभारम्भ कार्यक्रमकाे उद्घाटन गर्दै प्रधानमन्त्री ओलीले सरकार बिरूद्व अान्दाेलन गर्ने विपक्षी दलका नेताकाे अभिब्यक्तिकाे बिराेध गर्दै भने, १३ वटा विभिन्न आकार प्रकारका नन्दी भृंगी भेला भएर आन्दोलन गर्छौं भनेछन् । म अरु केही भन्दिन, नगर्नुस् ।’
शुक्रबार ११ विद्यार्थी संगठनले गरेको कार्यक्रममा कांग्रेस सभापति शेरबहादुर देउवाले सरकारले हरेक क्षेत्रमा हस्तक्षेप गरेको भन्दै आन्दोलन गर्न आह्वान गरेका थिए ।
ओलीले त्यसतर्फ संकेत गर्दै कसैले आन्दोलन भनेर सिट्टी फुक्दैमा जनता नकुद्ने बताए । ‘जसले आन्दोलन भनेर फिरर सिट्टी फुक्छ, त्यसैकै पछि कुद्छन् नेपाली जनता ? यो सम्भव छ ?’ उनले भने, ‘नेपाली जनताले स्थिरता, विकास र शान्तिका लागि मतदान गरेका छन्, त्यसअनुसारको सरकार बनेको छ ।’