२७ चैत, काठमाडौं ।पत्रकार रेवती सापकोटा ३ नम्बर प्रदेशको सञ्चार रजिष्ट्रारमा नियुक्त भएका छन् । मन्त्रिपरिषदको बुधवार विहान बसेको बैठकले सापकोटालाई राजपत्रांकित प्रथम श्रेणीको सुबिधा पाउने गरी रजिष्टार नियुक्त गरेको हो ।
बिगत दुई दशकदेखि सक्रिय पत्रकारिता गरिरहेका सापकोटा अंग्रेजी दैनिक दि हिमालयन टाइम्समा कार्यरत छन् ।
संघीय सरकारको सूचना तथा प्रसारण बिभागले गर्ने काम अब प्रदेशमा सञ्चार रजिष्टारले गर्नेछन् । सन्चार रजिष्टारले एफएम रडियो, टेलिभिजन र पत्रपत्रिका सन्चालनको अनुमतिपत्र प्रदान गर्ने, नवीकरण र नियमन गर्ने तथा पत्रपत्रिका, अनलाइन सन्चारमाध्यम लगायत सबै सन्चारमाध्यमको अभिलेख राख्ने, सुबिधा कति कुन सञ्चारमाध्यमलाई दिने भन्नेबारे प्रदेश सरकारलाई सिफारिस गर्ने लगायत काम गर्नेेेछ।
प्रदेश ३ सरकारका आन्तरिक मामिला तथा कानुन मन्त्री शालिकराम जमरकट्टेलको प्रस्तावमा सपाकोटा सो पदमा नियुक्त भएका हुन् । सञ्चार रजिष्टारको कार्यालय प्रदेश राजधानीमै हुनेछ ।