बिर्तामोड, २२ चैत । नेपाल कम्युनिस्ट पार्टी मेची व्युराेले पार्टीका इलाम जिल्ला सेक्रेटरी दिपेन राई र मेची ब्युरो सदस्य होम खतिवडालाई बिनासर्त रिहा गर्न माग गरेकेा छ ।
नेकपा मेची ब्युरोले विज्ञप्ति निकालेर गिरफ्तार परेका दुै नेताहरूलाइ तत्काल रिहा गर्न माग गरेकेा हाे । तारा थापाले जारी गरेकाे बिज्ञप्तीमा आफ्ना दुई नेताहरुलाई अपहरण शैलीमा प्रहरीले गरेको गिरफ्तारीको भत्सर्ना एवं निन्दा गरेका छन् ।
साथै उनले विज्ञप्तिमार्फत प्रहरीहरुलाई केपी प्रचण्डको कार्यकर्ता जस्तो बनेर मनलाग्दी जथाभावी धरपकड नगर्न चेतावनी पनि दिएका छन् । गिरफ्तार आफ्ना ब्युरो सदस्यहरुलाई रिहा नगरे संघर्ष गर्ने विज्ञप्तिमार्फत चेतावनी दिइएका छन् ।
मेची ब्युरो सदस्य होम खतिवडा र इलाम जिल्ला सचिब दिपेनलाई चैत २० गते बिर्तामोडको सुब्बा चोकमा आफ्नो कोठामा बसिरहेको अवस्थामा प्रहरीले गिरफ्तार गरेको थियो ।