फिदिम, १७ चैत ।
सत्तारुढ दलका एक नेताले पूर्वराज ज्ञानेन्द्र शाहलाई सरकारले प्रतिबन्ध लगाउन सक्ने बताएका छन्।
पाँचथर सदरमुकाम फिदिममा आइतबार आयोजित पत्रकार सम्मेलनमा बोल्दै नेकपा केन्द्रीय सदस्य तथा प्रदेश(१ का सहइञ्चार्ज सावित्रिकुमार काफ्लेले गुमेको शक्ति फर्काउन ज्ञानेन्द्रले प्रयत्न गरे सरकारले प्रतिबन्ध लगाउन सक्ने बताए ।
उनले भने, ‘ज्ञानेन्द्र शाहलाई सर्वसाधारण नागरिक सरह गतिविधि गर्ने अधिकार छ। तर, गुमेको शक्ति फर्काउन ज्ञानेन्द्रले प्रयत्न गरे सरकारले प्रतिबन्ध लगाउन सक्छ।’
राजतन्त्र फर्काउन सकिन्छ कि भन्ने उद्देश्यले पूर्वराजा चलखेल गरिरहेको भन्दै काफ्लेलेसंविधान विपरित गतिविधि गरे कानुन बमोजिम कारबाही गर्ने बताए ।
पूर्वराजाको गतिविधिले सरकार सशंकित भएको काफ्लेको भनाइ छ। पूर्वराजाको गतिविधिलाई प्रतिबन्ध लगाउने सामथ्र्य सरकारसँग भएको उनको भनाइ छ। ‘वाम सरकारले मुलुकको हित विपरित गतिविधि गर्नेलाई रोक लागाउनुपर्छ’, उनले भने।
फाइल फाेटाे ।