विकास बजेट खर्च गर्न नसक्ने सरकारले लगानी सम्मेलनमा ठूला कुरा गर्नु हास्यास्पदः सिंह

विकास बजेट खर्च गर्न नसक्ने सरकारले लगानी सम्मेलनमा ठूला कुरा गर्नु हास्यास्पदः सिंह

  • शनिबार, चैत्र १६, २०७५
  • मिर्मिरे अनलाइन

  • 8.6K
    SHARES

१६ चैत, काठमाडौं । नेपाली कांग्रेसका नेता प्रकाशमान सिंहले विदेशी लगानी नेपालमा भित्राउने कुरा सकारात्मक भए पनि त्यसका लागि वातावरण बनाउन सरकारले नसकेको बताएका छन् ।

शनिबार काठमाडौंमा आयोजित एक कार्यक्रममा पूर्वउपप्रधानमन्त्री समेत रहेका नेता सिंहले विकास बजेटसमेत खर्च गर्न नसकेको वर्तमान सरकारले लगानी सम्मेलनमा ठूलठूला कुरा गर्नु हास्यास्पद भएको टिप्पणी गरे ।

उनले भने, ‘एकातिर विदेशी लगानी ल्याउनुपर्‍यो भन्ने, अर्कोतिर आफूले प्रस्तुत गरेको विकासको बजेट खर्च गर्न नसक्ने क्षमता नभएको सरकारले ठूलठूला कुरा गरेर जनताले पत्याउन सक्छ ?’

लगानी सम्मेलन जारी रहेकै बेला प्रदेश २ मा कमजोर सुरक्षाका कारण प्रश्नपत्र आउट भएर एसईई परीक्षा रद्ध हुनु लज्जाको विषय भएको उनले बताए ।

‘यत्रो लगानी सम्मेलन भइरहेको बेला दुई नम्बर प्रदेशमा एसईई परीक्षा रद्ध भयो । यसले के देखाउँछ भने सुचारुरुपले सक्षमताका साथ नेतृत्व गर्न नसकेको प्रमाणित हुन्छ,’ सिंहले भने । सरकारले शान्ति सुरक्षाको र लगानीको वातावरण बनाउन नसकेकाले घाटा खान विदेशी लगानीकर्ता नआउने उनले बताए ।

‘विदेशी लगानी ल्याउने राम्रो कुरा हो तर सरकारले तीनै तहमा जनताले सुशासनको अनुभूति दिलाउन नसकेपछि जतिसुकै ठूला कुरा गरेर के गर्ने ?’ उनले भने, ‘संघबाट बनाउनुपर्ने संघीय कानुन नबनाइदिँदा प्रदेश सरकार सुचारू हुन सकेका छैनन् ।’

सबैले महसुस गर्ने गरी परिवर्तनको काम यो सरकारले काम गर्न नसकेको उनको भनाइ थियो ।

यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Mirmire Online ठेगाना:अनामनगर काठमाडौँ
फोन : ०१-५९०१७७५, ९८४१८०८८४९
इमेल : mirmireonline@gmail.com
फेसबुक : facebook.com/onlinemirmire
सूचना तथा प्रशारण बिभाग दर्ता नं.: १७८/०७३-७४
©2016 Mirmire Online. All Right Reserved |  Site By: Sobij
संरक्षक: कल्याण तिम्सिना, प्रबन्ध निर्देशक: सिर्जना तिम्सिना, प्रधान सम्पादक : कृष्ण कुमार श्रेष्ठ, सम्पादक: वाशुदेव तिमिल्सना, प्रवन्धक - श्रीवास दास श्रेष्ठ