नेकपामा नेताहरुको यस्तो हाल, वामदेव भन्छन्- मै बेरोजगार छु, कसैले बोलाउदैनन् !

नेकपामा नेताहरुको यस्तो हाल, वामदेव भन्छन्- मै बेरोजगार छु, कसैले बोलाउदैनन् !

  • शुक्रबार, चैत्र ८, २०७५
  • मिर्मिरे अनलाइन

  • 13.4K
    SHARES

काठमाडौं, चैत ८ । एमाले र माओवादी मिलेर एउटै पार्टी बने पछि तल सम्म एकता हुन नसकेर कार्यकर्ताहरु निरास छन् भने अर्कोतिर नेताहरु नै बेरोजगार देखिएका छन् ।
वामदेव गौतम जस्ता वरिष्ठ नेताहरु नै आफै बेरोजगार भएको बताउछन् । यसो किन भयो त ? यसको एउटै कारण दुई अध्यक्ष केपी ओली र प्रचण्डले मात्रै सल्लाह गरेर निर्णय गर्नु गराउनु हो भन्नेमा नेताहरुको तर्क छ ।
गौतमले आफू पूर्ण बेरोजगार भएको बताए। ‘म मन्त्री पनि छैन, संसद पनि छैन, पार्टीमा त्यस्तो जिम्मेवारी छैन, पूर्ण बेरोजगार छु,’ उनले भने, ‘कसैले बोलाउदैनन्।’
पार्टीका सचिवालय सदस्य गौतमले सरकारले नागरिकको चाहना अनुसार काम गर्न नसकेमा मुलुकबाट सदाको लागि कम्युनिस्ट नै समाप्त हुने बताए ।
आर्दश दम्पती तथा युवा सम्मान कार्यक्रममा उनले भने, ‘दुई तिहाईको सरकारले केही गर्न सकेनौ भने हामी कम्युनिस्ट समाप्त हुन्छौ ।’,

राउटे तथा सीमान्तकृत वर्ग उत्थान प्रतिष्ठानले गौतम र उनकी श्रीमती तुलसा थापा, नेकपा नेता अमृतकुमार बोहरा र अष्टलक्ष्मी शाक्य, ऊर्जा, जलस्रोत तथा सिचाईमन्त्री वर्षमान पुन र पूर्व सभामुख ओनसरी घर्ती तथा डा. मदन सत्याल र नर्मदेश्वरी सत्याललाई आर्दश दम्पत्ती सम्मान गरेको छ ।
त्यस्तै डा. अनिल भटराई, डा. शरद कार्की, डा. शेखर गुरुङ, डा. रविन खड्का, सुनिलकुमार पोखरेल, गायक कृष्णप्रसाद कँडेल, बद्रीनारायण शाह, रुद्र भण्डारीलगायत पनि सम्मान गरिएको प्रतिष्ठानकी अध्यक्ष सत्यदेवी खड्काले जानकारी दिइन् । उनीहरुलाई पूर्व प्रधानमन्त्री झलनाथ खनालले सम्मान गरेका हुन्।

यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Mirmire Online ठेगाना:अनामनगर काठमाडौँ
फोन : ०१-५९०१७७५, ९८४१८०८८४९
इमेल : mirmireonline@gmail.com
फेसबुक : facebook.com/onlinemirmire
सूचना तथा प्रशारण बिभाग दर्ता नं.: १७८/०७३-७४
©2016 Mirmire Online. All Right Reserved |  Site By: Sobij
संरक्षक: कल्याण तिम्सिना, प्रबन्ध निर्देशक: सिर्जना तिम्सिना, प्रधान सम्पादक : कृष्ण कुमार श्रेष्ठ, सम्पादक: वाशुदेव तिमिल्सना, प्रवन्धक - श्रीवास दास श्रेष्ठ