काठमाडौं, ८ मंसिर ।
नेकपाका पोलिटब्यूरो सदस्य (पीबीएम) पदम राई ‘विकास’ले भृकुटीमण्डपस्थि प्रदर्शनीमार्गमा जारी विशाव जनसभामा बोल्दै वर्तमान सत्ताको ठाउँमा अर्कै चिज ल्याउन लागिएको बताएका छन् ।
स्वगत मन्तव्य राख्दै नेता राईले वर्तमान सरकारलाई दलाल संसदीय व्यवस्थाअन्तर्गत गठित सामाजिक फासीवादी सरकार भएको बताउँदै अब जनताको साथ लिई नेकपाले अर्कै सत्ता ल्याउन एकीकृत जनक्रान्ति संचालन गरिरहेको बताए । ‘छिट्टै यो सत्ताको ठाउँमा अर्कै चिज आउँदैछ’ राईले भने ‘यसका लागि देशलाई बचाउन र माया गर्ने तथा राष्ट्रिय स्वाधीनताको पक्षधर सम्पूर्ण देशभक्त पक्ष, शक्ति तथा सुरक्षाकर्मीहरु एकजुट भएर आन्दोलनमा सरिक हुन अपिल गर्दछु ।’ उनले भने ‘कोही पनि नेपाली नेकपासँग डर मान्नुपर्ने कारण नै छैन । सरकारले हामीलाई युद्धको मैदानमा जाओस् भन्ने चाहेको छ तर अर्कै चिज हौं । युद्ध त फासीवादी सरकार र तिनका मतियारहरुले चाहेका छन् । त्यो हुन दिनेछैनौं ।’
जनसभा जारी छ । सभामा विभिन्न पार्टीबाट पार्टी अवसरवादी र लुटमा लागेको भन्दै त्यागेर नेकपामा प्रवेश गर्नेहरुको लहर पनि चलिरहेको छ ।