काठमाडौं, २६ साउन ।
वित्तिय क्षेत्रमा मध्यावधिक सुधार कार्यक्रम अन्तर्गत नेपालको आर्थिक स्थायित्वका लागि विश्व बैंकले १० करोड डलर सहयोग स्वीकृत गरेको छ ।
विश्व बैंकको कार्यकारी निर्देशक सहितको बोर्ड बैठकले संघियताको स्थानीय ढाँचाका लागि सहयोग गर्ने निर्णय गरेको हो । आगामी ५ वर्षका लागि सो कार्यक्रम सञ्चालन गरिनेछ ।
नेपालको समृद्धिका लागि संघियताले ठूलो सहयोग गर्ने बिश्वास गर्दै विश्व बैंकका नेपाल निर्देशक क्मिाओ फानले संघियताको कार्यान्वयन सँगै उत्तरदायी सेवाका लागि सो रकम खर्च गरिने बताउनु भयो ।
अमेरिकामा रहेका अर्थमन्त्री युवराज खतिवडाले विश्व बैंकसँगको सहकार्यमा मुलुकमा सुरक्षा, न्याय, सुशासन सहित विकासको अवसर खोल्ने आशा ब्यक्त गर्नुभएको छ ।
नेपाली मोडल अनुसार विश्व बैंकको सहयोग केन्द्रित रहने मन्त्री खतिवडाले विश्वास ब्यक्त गर्नुभएको छ । विश्व बैंकको सहयोगमा नेपालमा हाल २१ वटा योजनाहरु सञ्चालनमा छन् ।
