१९ साउन, काठमाडौं । अमेरिकाको राष्ट्रपति कार्यालय ह्वाइट हाउसका आर्थिक सल्लाहकार ल्यारी कुड्लोले डोनाल्ड ट्रम्पलाई कम नआँक्न चीनलाई चेतावनी दिनुभएको छ ।
दुई देशबीच व्यापार करको विषयलाई लिएर विवाद बढिरहेका बेला कुड्लोले ट्रम्पलाई कमजोर मूल्याङ्कन नगर्न चेतावनी दिदैँ उचित समय आएपछि ट्रम्पले यसबारे प्रतिक्रिया दिने बताएक हुन् ।
अमेरिकी ब्लुमवर्ग टेलिभिजनसँगको कुराकानीमा आर्थिक सल्लाहकार ल्यारी कुड्लोले ‘चिनियाँहरूले राष्ट्रपति ट्रम्पलाई कम आँक्नु राम्रो नभएको बताउनु भयो ।
बेइजिङले अमेरिकी प्रशासनले चीनमाथि लगाएको थप व्यापारकर बारे चेतावनी दिँदै अमेरिकी सामानमा अर्को ६० अर्ब अमेरिकी डलर बराबरको व्यापारकर लगाउने बताएको केही समयमै कुड्लोको यो प्रतिक्रिया आएको हो ।
ट्रम्पले विशेषगरी चीनलाई लक्षित गरी नयाँ व्यापार नीति ल्याएपछि चीनले अमेरिकी सामानमा नयाँकर लगाउने बताएको थियो ।
