काठमाडौँ, साउन ९ ।
स्व. स्वामी डा. रामानन्द गिरीको वार्षिक पूण्य तिथिको अवसरमा शङ्करचार्य मठ देवपत्तनमा आज देखि त्रिदिवसीय विद्वत सम्मेलन आयोजना हुँदैछ ।
सम्मेलनमा विद्यानाथ कोइराला, डा. निर्मलमणि अधिकारी, प्रा.डा. माधव पोखरेल, प्रा. राजेन्द्र सुवेदी, डा. जगमान गुरुङ, डा.जयराज आचार्य, प्रा.दिनेशराज पन्त, सत्यमोहन जोशी, डा. श्रीधर लोहनी, डा. पद्यप्रसाद देवकोटा, ज्ञानमणि नेपाल, प्रा. डा. माधव भट्टराई लगायतका विद्वानले आफ्नो विचार प्रस्तुत गर्नुहुने छ ।
महेश सँस्कृत गुरुकुल देवघाटले यो सम्मेलनको आयोजना गर्न लागेको हो । सम्पूर्णानन्द विश्वविद्यालय वाराणसीका मिमांशा विभागका अध्यक्ष कमलाकान्त त्रिपाठी पनि सम्मेलनमा सहभागी हुनुहुनेछ ।
आयोजक सदस्य उमेशप्रसाद घिमिरेका अनुसार गुरुको प्रथम स्मृतिका अवसरमा सम्मेलन आयोजना हुन लागेको हो । स्वामी गिरी २०७४ साल गुरुपूर्णिमाका दिन असार २४ गते ब्रह्मलिन हुनुभएको थियो ।
