भक्तपुर, साउन ९ ।
भत्तपुरको मध्यपुरथिमि नगरपालिकामा गएराती भएको सवारी दुर्घटनामा एक जनाको मृत्यु भएको छ । अन्य तीन जना घाइेत भएका छन् ।
अरनिको राजमार्ग अन्तर्गत मध्यपुरथिमि नगरपालिका चारदोबाटो चोकमा काठमाडौंबाट भक्तपुरतर्फ गइरहेको बा. ३ च. ८३१७ नम्बरको नीजि कार सडक डिभाईडरमा ठोक्किएको हाो ।
दुर्घटना परी मृत्यु हुनेमा सोही कारका चालक सिन्धुली घर भई सुर्य्विनायक बस्ने वर्ष ४७ का रमेशराज राउत रहेका छन् । ठक्करबाट गम्भीर घाइते भएका राउतको उपचारका क्रममा गठ्ठाघरमा रहेको नागरिक अस्पतालमा मृत्यु भएको हो ।
दुर्घटनामा घाइते भएका रमेशराजका छोरा १८ वर्षका रविन राउतको मध्यपुर अस्पतालमा उपचार भैरहेको छ । यस्तै कार डिभाइडरमा ठोक्किएर फर्कँदा एकै दिशाबाट आइरहेको बा. ४६ प. १५५२ नम्बरको मोटरसाइकलले दुर्घटनाग्रस्त कारलाई ठक्कर दिँदा दुइ जना घाइते भएका छन् ।
घाइते हुनेमा मोटरसाईकल चालक रामेछाप खाँडादेवीका ३१ वर्षीय बिष्णु बहादुर श्रेष्ठ र पछाडि सवार रामेछाप घर भएका ३३ वर्षका राजन श्रेष्ठ रहेका छन् । उनीहरुको पनि सोही अस्पतालमा नै उपचार भइरहेको छ ।
